近期港股升唔停，全日成交仲連續2個交易日打破紀錄。雖然香港交易所(00388)行政總裁陳翊庭(Bonnie)最近係歐洲同美國飛來飛去，而上周五(27日)港股成交第一次創新紀錄時，仲身處相隔12個鐘嘅紐約，但距離反而讓佢開始更美好一日。點解？因為可以將呢啲好消息，即時分享畀當地嘅投資者、客戶。
即使近期香港市場利好消息一蘿蘿，佢就謙虛咁講，未夠未夠，嚟緊仲有好多好多工作要做，令香港市場更有吸引力、更有彈性，特別係香港金融市場仲有好多未開發嘅潛力，而港交所非常適合支持投資者把握相關機會，未來會繼續推動市場活力，並專注喺歐洲、亞洲和其他地區，創造長期機會。
廣告（請繼續閱讀本文）
Bonnie仲話，無論美國定歐洲投資者或客戶，都好想好想聽到香港嘅情況、未來發展等，尤其係香港同中國市場嘅故事。早喺上星期，港交所喺英國倫敦舉行定息及貨幣峰會，佢已經歐洲投資者介紹人民幣國際化帶來嘅機遇，港交所箇中角色等，重點為國際投資者建立一個流動性強嘅人民幣生態圈。
東網網站 : https://on.cc/東網Facebook專頁 : https://www.facebook.com/onccnews/