【我是現場音樂會】今晚尾場喇！尋晚錯過咗今晚仲可以買網上直播門票～～～
《FWD 富衛保險呈獻 “我是現場” 音樂會003 洪嘉豪 & MC張天賦》網上直播門票
日期：2021年10月23日 （星期六）
時間：晚上8點(香港時間GMT+8)
網上直播門票價錢：港幣$180/場
網上直播門票購票網址：https://concert.mifashow.com/thisislive003/
查詢：cs@mifashow.com
2021年全新本地音樂會系列《我是現場》音樂會003由首次舉行演唱會的洪嘉豪（Kaho）及MC張天賦接棒，舉行一夜限定紅館式四面台音樂會。昨晚二人首度開唱，心情興奮，Kaho期間真情流露喊過不停，而MC則刻意挑戰多首高難度歌曲，表現揮灑自如。二人的精彩演出，為《我是現場》音樂會003帶來了溫馨又震撼的Live Moments。
MC分享了首次開Show便得到紅館式四面台的興奮心情，說：「原來個感覺同Rehearsal（綵排）時係兩樣嘢嚟！但面對四面台，完全唔知自己望緊邊，啱啱仲有少少暈。」此時MC見到媽咪即向對方打招呼，Kaho也即時向MC笠高帽，道：「Auntie你個仔好乖呀！知書識禮，平時又孝順。」此舉氹得MC即時開懷大笑。
昨晚《我是現場》音樂會003有多個二人合唱的部份，但亦不乏Kaho與MC的個人表演，其中Kaho大Show琴技，邊彈鋼琴邊唱歌時令台下觀眾頻頻大嗌「好靚仔！」不過Kaho獨個站在台上時，卻道出心底話：「我係一個冇乜自信心嘅人，但呢種感覺唔係無中生有。個零月前睇到一篇關於我參與過嘅一個活動嘅報道，當中提及出席嘅藝人，但佢提及所有人就係冇提到我，我嗰刻覺得自己係咪咁緲小呢？自己係咪咁冇存在價值呢？咁諗就令自信心低，跟住自信心繼續差落去，呢啲事情發生咗好多次，但係原來呢幾年我搵唔到存在價值嘅時候，你哋搵到。」此時台下粉絲都紛紛大嗌「加油！」兼歡呼，而Kaho此時已忍不住哭起來，而且更一度泣不成聲。定過神來，Kaho續道：「原來喺我覺得自己好緲小嘅時候，你哋可能會覺得我係你哋嘅唯一，我真係好多謝你哋！你哋唔會明我幾多謝你哋陪我行咗咁多年，但我都想同你哋繼續一路成長，好多謝你哋將心入面嘅主角光環戴喺我身上。」Kaho心情久久未能平伏，即使接著唱起新歌〈主角光環〉，還是邊哭邊唱，但粉絲們揮動著燈牌與Pong Pong棒跟著合唱，及後MC上台說看到這幕甚為心痛，都為《我是現場》音樂會003製造了最溫馨感人的畫面。
至於MC在他的Solo部份，則選擇挑戰多首高難度作品，其中包括昔日在《全民造星2》同組的Jer@MIRROR〈狂人日記〉，以及太陽@BIGBANG〈Eyes, Nose, Lips〉。在唱出〈狂人日記〉時，MC遊刃有餘的演出，令粉絲嗌爆全場，不過MC表示：「呢首歌都真係幾狂人！」至於演繹韓文歌〈Eyes, Nose, Lips〉，MC坦言自己完全不懂韓文，他說道：「學嘅過程好辛苦，我真係逐粒字死記，要多謝我嘅Stylist（造型師），我每日綵排完就搵佢逐粒字教我點讀，我就逐個字去練。」不過他的演唱震撼全場，粉絲如雷貫耳的掌聲，就知道MC苦練的成果，已經合格有餘。
#香港製造 #MadeInHongKong #香港人撐香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l