位於黃竹坑嘅Arca酒店，餐廳Arca Society早前推出以茶作主題嘅下午茶（$438 兩人用），供應期由即日起至6月底。
主廚用上不同茶葉入饌，創作出一系列茶香鹹甜美點，好似有香煎北海道帶子配伯爵茶油多士、焙茶香熏雞酥盒、焙茶芝士蛋糕、宇治抺茶紅豆餅等，加入茶做成嘅甜品甜度剛好帶甘。
廣告（請繼續閱讀本文）
下午茶特別選配三款烘焙濃淡有別、風味不一嘅日本茶供客人選擇，當中分別有新茶、玄米茶同焙茶，用嚟配襯茶點就最適合不過。
廣告（請繼續閱讀本文）
雖然酒店位置隔涉咗少少，但勝在靜靜地，環境舒適夠晒好坐，約朋友仔傾密計邊食tea就最開心。
地址：黃竹坑香葉道43號The Arca 三樓