兩年疫情影響之下，店舖倒閉，市民冇工開，放假仲要留係屋企，真係唔病都搞到病，令到香港市民充斥着大量負面情緒，唔想屈到病？大家可以參考吓，教育局前政治助理、中西區區議員楊哲安咁，一家六口齊齊出動，夾band唱歌，搞搞新意思！
話說尋日（7日），楊哲安在社交平台上載左一條夾band片，片中楊哲安同太太楊張新悅及4個女兒，大多都着咗粉藍免嘅衫褲，非常襯色，算係有隊型。楊哲安負責打木箱鼓，太太就彈Ukulele（夏威夷小結他），女兒分別就唱歌同彈琴等。大家準備好，就由細女擊打三角鈴後，開始唱奏。
廣告（請繼續閱讀本文）
佢哋唱邊首歌？係二次創作嚟，改咗歌神SAM許冠傑嘅《同舟共濟》首歌嘅部分歌詞，例如人人害怕去搶菜搶茶、盡量自我檢疫、戰勝黑暗等。楊哲安話一家人正在留家抗疫，仲話多謝歌神畀機會佢二次創作添！見楊哲安一家夾Band咁開心，有網民留言話一家人充滿正能量，支持楊家合唱團。
東網網站 : https://on.cc/東網Facebook專頁 : https://www.facebook.com/onccnews/