1.郭晉安今個月初宣布離婚後，早幾日現身見傳媒，全程表現冷靜，又話無論係佢哋定係仔女，都已經適應咗，「仔女好聰明，慶幸佢哋體諒我哋。」
2.安仔同歐倩怡結婚18年，一直係圈中模範嘅老夫少妻代表，今次離婚收場，唔少網民大嘆可惜，其中最多人講到：「結咁耐都離，可惜!」
廣告（請繼續閱讀本文）
3.各位網友一定係忘記咗，人係幾咁善變！隨住年齡、際遇、時代唔同，一對夫妻能否共同成長，或者係大家步伐不同下係咪互相包容接納到，都會出現變化!
4.兩人於1999年拍攝旅遊節目而認識，當年郭晉安35步，是男人工作搏殺及最有魅力的年紀，而歐倩怡則20歲卜卜趣。雖然年齡差有15年，但兩人最終成功經歷7年愛情長跑，06年於主題樂園完婚。
5.期間安仔亦踏入人生黃金期，靠阿旺呢個角色帶挈佢拎2次視帝，仲有一次就係《忠奸人》。當時男人40一枝花，女士都羨慕歐倩怡過少奶奶生活。
廣告（請繼續閱讀本文）
6 不過年齡差不被睇好，總有原因。轉眼間安仔今年59歲，臨近60，平常人已是退休年紀。適應退休是夫妻關係響起警號的其中一個關口。安仔選擇繼續做，但歲月催人老，有眼利網民留意到安仔為回春近年樣貌越嚟越膠。相反Cindy雖然已經係兩個仔女嘅媽媽，但女人44歲在現今社會，工作仍能如日中天，且越嚟越有女人味，網民大讚「keep得好！」
7 安仔曾經接受訪問時透露，以前因為太重視家庭而忽略維繫夫妻關係，當時仲話夫婦之間「冇咗激情同親密」，試過冷戰半年才關係轉佳。可惜安仔同Cindy最終仍於兩年前離婚，近日有消息話安仔一早plan財產安排避分身家，兩公婆最後行上呢條路，可惜，但合理。
▼Follow 娛頭
Facebook: https://www.facebook.com/profile.php?id=61554772610166
廣告（請繼續閱讀本文）
N 女人其實到左30幾40歲然後發現可以自力更生，有唔錯收入、有工作機會，相反老公就變阿伯要自己照顧，想離婚係正常～
畢竟女人心路歷程一直都係「後生時想結婚生仔、仔女大時想擁有自己人生」～
如果年紀大，發現老公同自己心靈上唔同步，不論係44歲定64歲，其實個女人都會想離婚，寧願自己一個人過！最重要係有生活費，仔女養又好、自己搵又好、離婚後有贍養費都好，總之生活到，就想自己一個人過！
只係如果兩個人年齡相差愈遠，就令 1. 心靈唔同步 及 2. 女人有獨立收入 呢兩點更明顯，所以更容易離婚～
女人到左40歲後就會成日諗「自己人生」，因為為照顧仔女係會無左自我！叫食物只會叫仔女老公鍾意嘅（因為仔女食唔晒係媽媽食，老公一定自己食晒成個飯）；睇電視電影只睇仔女嘅（但老公自己一個人就會自己呢埋睇佢鍾意嘅電影）；仔女病左半夜起身又探熱又抹身，瞓都無得瞓⋯總之仔女基本上24小時痴住媽媽，但老公雖然要返工，依然有自己空間！
所以女人年紀越大，越想有私人時間！特別是全職照顧小朋友嘅媽媽！甚至會唔想幫仔女湊孫！唔想辛苦！照顧小朋友真係超級無敵辛苦！「眠乾睡濕」真係唔係講笑！
06月06日05:13
NW 個女人好快揾到男人再結婚
06月06日16:22
顯示全部