原址在大角咀嘅OMG漫花燈火，因酒店大樓裝修已闊別2年，近來終於喺土瓜灣U PLACE 試業重開！身為打卡怪，當然立即Book嚟試試！😝
新店繼續有品牌sigture嘅華麗萬花筒設計，長長嘅三角鏡迴廊、彩虹燈牆、彩色香水瓶架、粉紅線團牆、紫花吧枱…睇上去色彩繽紛，卻完成不俗氣呢！
此外，我好鍾意餐廳嘅格局，店門係一個不太起眼嘅粉紅拱門，入到去即是黑漆漆嘅房間，然後打開簾子即係三角鏡迴廊…感覺好似好奇嘅愛麗絲，挖開兔子洞，去到一個嶄新世界咁！香港寸金尺土，能咁不惜功本用咁多地方做布置，真心非常難得！
至於食物，意外地都唔錯！主打中價日西Fusion料理，由前菜、主菜、甜品至飲品擺盤都美侖美奐，無論係味覺或視覺都得到滿足！
✦ 自家製酥皮黑魚籽牛油果煙三文魚水牛芝士波波他他 HK$168 🍴3.5/5
有個圓筒形嘅酥皮裝住啲開胃食材，勁得意！賣相超精緻！食上口就正常發揮，牛油果、煙三文魚、水牛芝士基本上都係好穩陣嘅組合，伴酥皮食，口感豐富！神來之筆係有黑魚籽，鮮美咸香，增加前菜嘅層次感！
✦ 法式大頭蝦占米多 HK$228 🍴4/5
店員極力推薦，試過真係好正！首先大頭蝦真心多肉鮮甜，蝦頭超多膏，蝦肉均混合日式燒汁混合鰻魚汁煮作，成件事好惹味！伴碟仲有烘脆嘅牛油方包，無傳統法包咁硬，食法幾新穎！
✦ 香煎日本帶子黑松露忌廉意大利粉 HK$188 🍴4.5/5
睇落平平無奇，味道卻最有驚喜嘅帶子意粉！每根意粉都充分沾上黑松露忌廉汁，好香！至於日本帶子，只有3粒，厚肉大隻，一流！此外，呢款意粉比想像中大份，我最後係食唔哂！🙈
✦ 日本北海道十勝紅豆牛奶沙冰 HK$78 🍴 4.5/5
不得了嘅紅豆沙冰！十勝紅豆飽粉粉糯，煮得熟爛，為紅豆牛奶沙冰增添口感。值得一讚係不怕太甜，夏天飲解暑一流！
✦ 南非草木 HK$68🍴3.5/5
用上甘菊、檸檬香脂及茴香泡嘅熱茶，草青味重，消膩一流！相信伴甜品同食，味道會勁夾！
📍店家傳送門：@omghongkong
✾分類標籤
#珠遊香港
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：4.5
🎪服務：4
🕌CP值：3
（*5為最高分）
★－:+:－:+:－:+:－:+:－★
◌ 漫花燈火OMG
◌ 土瓜灣九龍城道68號瑧尚U PLACE2樓201號舖
★－:+:－:+:－:+:－:+:－★
🎀 記得like埋我，每日放送打卡好去處！📸