前港姐亞軍王卓淇（Erin）自與TVB完約後便北上當網紅，不時在網上開直播及唱歌，最近更大爆TVB秘聞，掀起關注度。王卓淇在2022年約滿TVB後曾自爆當年人工僅$7,000。近年她轉型做KOL，日前更拍片分享最近客串拍攝內地短劇的點滴，其間大談拍攝TVB劇集及內地短劇的分別，更自揭昔日在TVB的片酬待遇，難道再爆料？
自爆TVB拍劇身價
近年內地流行短劇，以節奏明快為主。王卓淇今次客串的短劇是前TVB藝人何君誠有份投資的，亦是她首度拍攝短劇，她更自爆收入：「大家成日話TVB嘅收入唔高，喺香港嚟講係唔高，但係同內地短劇比呢，其實係OK㗎喎。因為呢度嘅成本係幾百蚊一集㗎咋，幾百到幾千，你好紅嘅短劇演員都係幾千蚊一集，除非你係一線呀，可能佢有一、兩萬1集，但係一般都係幾百蚊1集嘅啫。所以TVB都有……1千幾千1集，仲低囉呢度！唔係最差㗎其實TVB，平反一下先。」有網民提問：「要為舊公司平反？」
雖說如此，王卓淇解釋內地短劇成本低、製作快、收益高，拍攝過程比一般港劇輕鬆，更指即使講錯對白都可以靠後期剪接，甚至只需要6天就拍完整套短劇：「港劇係要拍一套戲至少3個月，其實唔止港劇，我相信好多內地劇都係拍3個月到半年，但係佢哋係可以6日拍完一套，有成90集，當然1集係分零鐘，真係超勁。」
力數TVB人工低3位藝人
多年來，有不少明星爆出TVB內幕、薪酬待遇等內幕消息，除了王卓淇，曾為TVB當紅男一的吳啟華、梁競徽及有「TVB御用外國人」之稱的布偉傑在離巢後都對舊公司有話兒，亦公開離巢原因，最估唔到是原來當年爆紅多時的「師奶殺手」吳啟華都只是表面風光。
力數TVB人工低藝人1. 吳啟華 當紅男一月薪僅幾千蚊
早前吳啟華接受內地傳媒訪問自揭是表面風光的小生，爆當年《壹號皇庭》、《妙手仁心》系列，差不多每套劇也做男一，但收入僅得幾千元；反觀內地出席一個商演的酬勞相等於電視台2個月人工。
他又在訪問中暗示被電視台剝削人工：「比喻拍一部劇，本來可以拿到10蚊，但電視台會拿走8蚊，只剩2蚊給我，這樣很難生活，並非想像中賺那麼多錢，很多人在電視台生活都比較拮据。」
力數TVB人工低藝人2. 梁競徽 自揭人工最低得6千
梁競徽加入TVB 15年間，曾參演劇集超過50套，但星途黯淡，每套劇集戲份不多，月薪只有$6,000；直至參演《飛虎》系列後知名度增加，月入才增加$15,000。
力數TVB人工低藝人3. 布偉傑 為追夢入TVB月入幾百蚊
有「TVB御用外國人」之稱的布偉傑，精通廣東話、普通話、英語及柬埔寨語。他在2003年放棄IT公司的高薪厚職，為追尋演藝夢而加入TVB做特約演員，收入由幾萬元1個月跌至幾百元1個月，最終捱了10個年頭，終決心離巢。近年他北上發展，曾在訪問中透露離巢真相：「TVB收入冇可能養家啦，只係為咗賺知名度，而家主要收入來源係做司儀，而且內地市場大，機會自然多啲。」
SZ 垃圾TVB
04月11日09:51
顯示全部