誤判｜甄子丹首度聯手張天賦謝票　遇女粉絲示愛即回：我年紀唔細

《誤判》上月12月中香港開畫至今，累積票房至今已超過2 ,700萬，為答謝觀眾對電影的支持，身兼監製、導演及領銜主演的甄子丹聯手MC張天賦及鄭則士（Kent）現身戲院，答謝觀眾對電影的支持！

《誤判》上映超過一個月，甄子丹一直未有在香港謝票，難怪他聯同MC及Kent哥一同現身，觀眾隨即以尖叫歡呼拍手歡迎。甄子丹表示：「之前一直在忙，終於可以加入團隊一齊同大家謝票，衷心感謝每一位入場支持嘅觀眾朋友！新一年祝大家金蛇添福！」

早前一直忙於工作的甄子丹，當日現身更遇上女粉絲公開示愛：「真係好喜歡你呀甄生！本身今日搭飛機走，但知道可以見到你，我即刻改機票啊！希望你拍多啲動作電影俾我地睇！」面對女粉絲示愛，甄子丹回應：「多謝你，雖然我年紀唔細，但能夠拍到嘅時候都會繼續拍。」

與甄子丹及鄭則士一同現身，MC先向兩位前輩拜早年：「祝兩位身體健康，心想事成，最緊要《誤判》大賣，咁我封利是就可以大大封啦！哈哈。」Kent哥承接回應，更向現場觀眾表示：「頭先聽到呢個祝福好啱用，入場睇《誤判》，賺到盤滿缽滿！」

甄子丹作為導演，今次亦擔起選角的責任，被觀眾問到下次會否考慮安排動作戲份給Kent哥？他表示：「如果可以拍到都幾正」而Kent哥笑笑口回應：「我得呀！係咪要同MC隻揪？」引得現場觀眾起哄表示支持！