天氣終於轉涼，要食熱辣辣的食物暖暖身心，打邊爐當然開心，但食得多都會想轉轉口味，位於銅鑼灣主打關東風壽喜燒放題的「肉佐」推出新菜單，帶來可以任食大熱牛舌檸檬，以及一系列A5霜降黑毛和牛、藍鰭吞拿魚壽司、串燒等的餐目，除了用日籍米芝蓮大廚長本輝彥秘製醬汁壽喜燒，亦可加入鰹魚湯變成涮涮鍋，一次過嘆兩種滋味。
餐廳的餐目共分5個等級，全新升級的「Level 5超豪快極上放題菜單」（$688）中，一共提供138款任食菜式及食材，最矚目的相信是港人近來遊日都必去食的「牛舌檸檬」，還原元祖的厚切做法，香脆外皮配肉質粉嫩的牛舌芯，爽彈口感與CONY上月在東京食到的沒太大分別！嗜牛者亦可品嚐仙台A5霜降黑毛和牛，任食西冷、肉眼、牛展部位。
廣告（請繼續閱讀本文）
廣告（請繼續閱讀本文）
食到㷫㷫地不妨點選凍食冷靜一下，除了揀選等級5餐目時附送的拼盤，嘆拖羅、赤身、炙燒和牛等壽司外，亦可隨時無限追加藍鰭吞拿魚壽司、磯煮鮑魚、季節魚刺身，以海鮮白肉去除大量食牛的油膩感。
廣告（請繼續閱讀本文）
從壽喜燒得到大滿足後可加入鰹魚湯，轉換成涮涮鍋的食法。不只常見的丸類、烏冬與麵的澱粉質，CONY特別欣賞餐廳提供大量不同種類的蔬菜，方便大家做到均衡飲食。最後當然要以甜品作結，嘆奶凍、雪糕、芝士餅等從自助櫃提供的款式外，亦可自製棉花糖。而等級5餐目食客必點用上全日本材料製作的梳乎厘班戟，空氣感十足，滿足食甜品的心，感覺又不會太大負擔（只是「感覺」，因為都是會肥的！不過食埋先再做運動keep fit！哈哈哈）
NIKUSA肉佐
地址：銅鑼灣登龍街一號金朝陽中心二期 Midtown 8樓
電話：3996 9844
時間：中午12時至下午3時半；下午6時至晚上11時