荃灣有間餐廳於晚市推出無限時任食火鍋，可以6小時任飲任食！鍋底可選惹味雞煲，食完換湯底打邊爐，每位更送牛頸脊、海鮮拼盤、刺身、鮑魚和水餃，還有50多款火鍋料、汽水、啤酒可無限Encore，即睇地址！
記者：Joan 攝影：LamLam
荃灣6小時雞煲＋火鍋放題
任食50火鍋配料
晚飯會劃分兩區，一邊吃小菜、一邊吃火鍋。火鍋最吸引是無限時任食，晚市6pm開始，吃到12mn關門，6小時可任飲任食，還送多款海鮮、靚牛和小食，可以慢慢傾偈、醫肚！
前菜任取：酸辣鳳爪＋青瓜
吃火鍋前，可到自助區拿取小食，有鳳爪、雞腳和青瓜等小食，為6小時任食開開胃！
前菜再送：刺身＋蠔皇扣鮑魚
4湯底任揀：可選雞煲再加湯打邊爐
鍋底有4款，可選冬瓜瑤柱、皮蛋芫荽、駌鴦鍋或龍蝦鍋（需另加$80），又或者可選重慶雞鍋，吃完再換湯底打邊爐。雞煲非常惹味，4人份量約有一隻雞，份量也OK，雞件肉質肥美，圓潤有肉地，醬汁的香料味濃郁，未食都聞到好香，雞件亦夠入味。
火鍋料再送！牛頸脊＋海鮮拼盤＋水餃
火鍋料亦會送上人頭份的極級牛頸脊、海鮮拼盤和水餃。牛頸脊一碟有廿多塊，油花均勻，肉味甘香有咬口。
海鮮拼盤有6-8款海鮮，有龍蝦、龍躉片、海蝦、蟶子、貴妃蚌、大青口、鱔片、魷魚等，款式沒有劃一，會按當日的來貨而定，不過份量頗為豐富，整體味道亦新鮮，可惜想encore要再加錢。
50火鍋料任食！肥牛＋鵝腸＋墨魚滑
任食火鍋料有50多款，肉類有肥牛、黑豚肉和羊肉等，較驚喜的是有青口、脆鯇片、鵝腸等海鮮和內臟，又有餃子、滑類、丸類等，選擇其實頗豐富，6小時內狂吃不會悶！
汽水＋啤酒任飲！
除了火鍋料是任食外，雪櫃內的凍飲品也是任飲！有多款汽水、紙包飲品，最吸引的是有啤酒，可和朋友暢飲再打邊爐，爽！
阿翁火鍋館
地址：荃灣眾安街68號荃灣千色滙1期6樓（顯示地圖）
電話：2666 6822／5282 3482
營業時間：6pm－12mn
Fb專頁：半島漁港 / 阿翁火鍋館
無限時任飲任食海鮮火鍋
收費：星期一至四 成人$298／位，星期五、六、日、公衆假期及前夕 成人$328/位，3歲或以下小童免費
備註：
1)另收加一。
2)星期一至日8:30pm後入座，成人可享八折優惠。
3)建議預先訂座。