唔脫唔知身型好 可能你沒留意的MIRROR肌肉擔當Alton、Stanley

MIRROR成軍過百日，次次出event都吸引一大班鏡粉捧場，更已接拍十多個廣告。雖然人強馬壯，但街外人最記得的可能只有姜濤。其實MIRROR的12個成員當中，每個都有不同特點，有人賣靚樣、有人賣唱功、有人賣音樂造詣、有人賣幽默，亦有人賣肌肉。操得一副靚身的Alton和Stanley是隊中的肌肉擔當，可能有人會以為他們只得個殼，但做過運動的人都知道，要操得一身靚肌絕對不是易事，肌肉擔當唔易當。

29歲的Alton（王智德）最為人熟悉的是在《全民造星》55強時跌入淘汰區後，在台上發表感言「尋求無悔真生活，路漫長也靜候。」其後在節目被無限loop。

入行前，Alton已經操得一身肌肉，更曾參加過健美先生比賽。不過體藝出身的他並沒有在大學修讀有關學科，反而選讀航空管理課程，畢業後曾任舞蹈員和健身教練。Alton的肌肉在《全民造星》時已經有相當曝光率，他的粉絲更名為「蛋白粉」，他現在偶爾仍會開班教健身，有不少蛋白粉爭相報名。

28歲的Stanley（邱士縉）最有名的「肌肉代表作」是參賽時被蕭定一「加持」的胸肌。當時一面倒的負評雖然令支持度直插谷底，但塞翁失馬焉之非福，加上在決賽時大曬8舊腹肌後，大家現在想起肌肉都會想起Stanley。

Stanley的操肌之路雖然不及Alton「專業」，但最緊要有成果，他加入城市大學Dan So後開始跳舞，之後任freelance dancer開始操肌，最初只純粹想挑戰更多可能性，現在肌肉已成為他的標誌，亦曾在MIRROR的IG live中「特訓」隊員。