劉浩龍（師兄）在hmvod網劇《把砒霜留給自己》單元《修橋補路》中飾演一名老師，和飾演學生的MIRROR成員Jeremy（李駿傑）發生師生戀，並捲入一連串的隧道殺人案。
廣告（請繼續閱讀本文）
師兄首次與Jeremy合作已讚口不絕，他說：「之前有見過佢做《全民造星》，但佢唔似第一次拍戲，佢喺隧道有場戲，啲驚恐嘅表情、內心嘅驚慌、流眼淚，我覺得佢表現非常好。」師兄第一次拍師生戀亦係第一次做同志角色，其中一幕拍他和Jeremy在男廁談情，他直言有點尷尬，但作為演員，roll了機就要去嘗試同投入。
廣告（請繼續閱讀本文）
由於有幾場戲要在又焗又濕的隧道取景，偏偏撞正師兄腰傷舊患發作，而且需要拍攝動作場面，他需要忍痛完成，但亦慶幸得到導演劉翁的體諒，師兄說：「其實熱唔係最大問題，嗰日我咁啱條腰舊患復發，坐又坐唔到，企又企唔到，我愈坐愈痛，就叫導演可唔可以拍咗我嘅戲份先，因為入隧道要經過一啲渠管，用五分鐘先捐過一條渠，行每步路都係好痛，所以有啲位都要頂住腰痛拍。」
此外，林子博在劇內飾演一名警員，專責調查殺人案的兇手「地底人」，他稱開工大多在深夜時份，去到位於赤鱲角附近的一個隧道拍戲，通常收工都已經天光，他與師兄首次合作相當愉快，「要多謝劉翁俾機會我拍呢個單元，初頭我以為得兩三場戲，原來頗多對白，所以呢次都好興奮。」
廣告（請繼續閱讀本文）
撰文：機
rere 好中意劉浩龍，如果佢唔係基佬，我就嫁俾佢。
2020年12月18日02:12
顯示全部