廣告（請繼續閱讀本文）
溫碧霞（Irene）憑新片《墮落花》首度封后榮獲《愛爾蘭第8屆絲綢之路國際電影節》最佳女主角，影片更連續打入5個影展，但可惜受新冠肺炎疫情影響，影片在香港上畫日期被逼兩度延期。Irene與電影公司商議後，宣佈影片再延至5月中旬，屆時會視乎疫情進展再落實準確上畫日期，首映及友好優先場亦將會在正式公映前一星期進行。
對影片一再延期，Irene說：「已經冇諗失唔失望，依家只希望一件事，就係全世界都健康，疫情快啲消失，部戲幾時可以順利上畫，已經唔係我最緊張的事，依家每日都緊貼新聞報道，每日都希望疫情數字係零。」
Irene自言也盡公民責任，取消所有聚會，除了工作要外出，其餘時間都留在家中享受家庭樂：「其實在家中都可以自得其樂，在家中煮下飯，一家人一齊食飯，一齊做下運動，聽歌、睇書，陪狗狗玩下，我相信苦痛日子慢慢過去，美好的日子就會到來。」
廣告（請繼續閱讀本文）
