旺角人多車多，想靜靜地同閨蜜坐喺度girl’s talk真係唔容易，仲要可以坐得耐打下卡再食好西？唔使得個諗字嘅。
今次小編帶你去到最密集嘅西洋菜南街，其實佢係中國移動香港首間5層樓高嘅旗艦店，頭兩層係流動通訊等等其他智能服務，想飲杯靚咖啡，直接上三樓／四樓啦～
作為一個咖啡控，一定要識得品嚐精品咖啡，就算你係初學者都一樣無問題。
因為4樓「Coffee Genius Lab」係一個咖啡工作坊，每日都會有資深專業咖啡師帶你一步一步由揀咖啡豆開始，去到烘培同沖煮方式去炮製一杯自己專屬嘅精品咖啡。
成個過程大概30分鐘，咖啡煮好之後，你仲可以揀埋心儀嘅咖啡杯，每款都係得一個，D杯仲係咖啡師精心挑選番嚟，只此一個！
除咗咖啡，呢度嘅設計都係精心安排過，開揚嘅環境令充足嘅陽光射曬入lab內，呢幅咖啡牆即時成為呃like打卡位~唔講唔知，原來D咖啡燒瓶係有特定嘅排序，右至左代表唔同程度嘅烘培，淨係用眼睛欣賞都已經好正～
唔怕曬就可以坐戶外嘅梳化，因為喺四樓，無論景色同空氣都清新D，勁有feel~
想有D食物落肚，可以落番去三樓，兩層咖啡室完全係唔同風格，三樓天花板設計原來係整Espresso嘅壓粉錘，場內仲有2部唔同榨取方法嘅滴漏機，由於滴漏需時，每款每日限量供應20樽，買完就無，咖啡控唔好錯過呀～
呢層亦都有與別不同嘅咖啡體驗，揀咗食物同咖啡之後，咖啡師會特別喺你面前沖泡咖啡，仲會一邊講解，有得食仲有得睇，正喎～
一般精品咖啡店嘅食物選擇都唔係好多，呢度就有唔少選擇，部分菜色中可以轉做素食版，好似健康田園早餐$105咁，所有肉類就會轉做牛油果，感覺無咁邪惡。
必試泡沫甜蛋件咖啡浸雪糕＄88，呢款甜品喺香港比較少見，甜蛋空氣感超強勁，好似食緊梳乎厘咁，濃郁嘅咖啡浸落雪糕～仲有啲似意大利芝士餅添，一次過滿足曬N個願望。
Hands-on Coffee ＆ Coffee Genius Lab
地址旺角西洋菜南街1L-1M號3-4樓
營業時間: 星期一至日 11:00 - 22:30
中國移動香港旗艦店
地址：旺角西洋菜南街1L-1M號地下-2樓 (兆萬中心側面)(此門市接受以八達通繳費-24小時)
營業時間：逢星期日至四及公眾假期 上午 11 時至下午 10 時半；
星期五、六及公眾假期前夕 上午 11 時至下午 11 時
Text: Holiday editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載
