修例風波：黎智英涉非法遊行　死撐：行街唔得呀？

民間人權陣線原定今日(15日)舉行反修訂《逃犯條例》集會及遊行，不獲警方發出「不反對通知書」，大批市民下午自行到港島「行街」。身穿黑衣的壹傳媒黎智英下午2時許亦現身銅鑼灣，指警方不批准遊行是「恐嚇後生仔」、「等佢哋唔敢出嚟」，形容做法有反效果及「戇居」。

黎智英明顯參加違法遊行，黎稱︰「我出嚟行路有咩風險？要拉畀佢拉囉。」更反問︰「我行街都唔得？你黐㗎你吓！」對於港府反對美國擬通過《香港人權及民主法案》，黎就指︰「佢梗係反對，佢做咗壞事梗係反對。」

黎智英及後走到大批持美國國旗人士的隊伍後，與黎同被批評為「禍港四人幫」之一、外號「AV仁」的民主黨前立法會議員何俊仁在其身旁傍住。黎更多次高叫「光復香港」口號，其身旁有人即應聲蟲般和應高喊「時代革命」。黎到達中環後，即快閃在文華東方酒店乘其私家車離開。

此外，約40名聲稱自發的市民於下午2時到黎智英位於何文田的寓所外示威。示威人士手持五星旗及印有黎肖像的示威標語，亦有人持大型橫額。示威者批評黎是「賣國賊」，又高叫「黎智英滾出香港」、「國家敗類、漢奸走狗」等口號，直斥他反中亂港，要求黎的業主終止租約，不要把物業租給黎，揚言會以萬人聯署方式，聲討黎的惡行。

東網網站 : https://on.cc/

東網Facebook專頁 : https://www.facebook.com/onccnews/