彈筆Challenge超激　爆乳台妹爭住玩

台灣出名正妹多，樣靚身材正嘅網紅多不勝數，但係估唔到原來插畫師一樣有索到爆嘅靚女，就係台妹「Janie泥泥」啦！本身係台日混血兒嘅佢，雖然佢只有1米53高，但Big爆上圍加埋纖腰，加上不時喺社交網大晒性感派福利，成功吸引網民眼球，喺社交網有逾98萬粉絲，成為宅男女神。

泥泥除咗靠個靚樣，亦都好有才華，讀書嗰陣係高材生，佢依家亦有喺社交網專門發布自己創作嘅漫畫同插圖，內容以情侶之間嘅愛情對話為主，而佢得閒嗰陣仲會表演魔術，喺網上同人開心Share添！

泥泥最近就喺網上發起咗彈筆Challenge，但係彈筆挑戰聽落就好似冇乜特別，不過原來挑戰者係要用胸部、或者身體其他部位嘅驚人嘅彈力嚟彈筆，咁就難度大增啦，泥泥仲親自示範添，彈力十足㗎！

有唔少身材「胸」湧嘅台妹都爭住挑戰，好似有早前有去台灣舞王羅志祥（小豬）泳池派對嘅「H奶李毓芬」陳香菱、E奶網紅青青、台灣正妹安希等，一眾爆乳索女，齊齊大鬥法，比吓邊個彈力最勁咁話，令人睇到熱血沸騰呀！

東網網站 : https://on.cc/

東網Facebook專頁 : https://www.facebook.com/onccnews/