《 那些我愛過的人 》俏護士上位 29歲劉溫馨打變幻球

入娛樂圈打滾，除咗外形、實力、個性同際遇以外，仲有一樣嘢「 魄力 」都唔少得，講緊2013年選港姐入行嘅劉溫馨，當年大熱倒灶輸畀陳凱琳，明明中央戲劇學院本科畢業，可惜加入無綫咁耐就一直做二打六角色，難得佢從來冇諗過放棄堅持做好每一個小角色，終於捱到近期角色有名有姓又有對白，喺最新重頭劇《 那些我愛過的人 》中扮護士，標青五官襯埋制服誘惑，一出場即成為網友熱議話題。

撰文、圖片：東方新地

劉溫馨打變幻球身材話變就變

護士裝雖然養眼不過密密實實有啲翳焗？其實平時嘅劉溫馨上得山下得水又係瑜伽高手，身材 fit到漏仲好大方影埋好多靚相每日喺網上供應，follow 開 嘅朋友多數都留意到，無論晚裝look、運動 look、水著 look、休閒 look，劉溫馨嘅衣著妝容打扮得宜，連上圍都識得隨著場合與衣著放大又縮細，時而平板時而逼爆，保守估計上落游離於 A cup 至 D cup 之間，娛樂圈失傳已久嘅鬼影變幻球眼見又出現新一代傳人，八姨太表示放心之餘，亦都覺得好好奇，點做到嘅呢？