相信大家平時約會或者出席正式場合嘅時候都鍾意噴香水，好多人會覺得噴香水可以令其他人對自己留下深刻印象，亦都有人認為香水可以提高自己嘅自信心。但大家又知唔知其實好多使用香水嘅人，大部分都冇正確使用，如果使用方法唔正確，就會浪費咗昂貴嘅香水！所以小編整咗關於4個香水嘅小知識，一齊睇下啦！
圖片來源︰網絡圖片、DIOR、GUCCI、Jo Malone、Le Labo、IG@keung_show｜撰文︰Sharon
1. 如何正確使用香水
盡量選擇噴在手腕位置，因為手腕是會經常揮動的部位，而且手腕溫度比較高，可以幫助香水更好的發散到空氣中，讓身邊的人都能聞到你的香水味。好多人噴香水嘅習慣係噴完手腕後，再用兩隻手嘅手腕摩擦再擦到後頸處，但原來噴完香水之後係唔可以摩擦，因為香水係經酒精揮發而產生的前中後調，摩擦會令溫度上升，前中調味道會消失，大大影響香水嘅味道！
如果會喺室內約會或唔想香水味太突出，可以噴喺頸背部位置，香水味道就唔會過於濃烈。走路嘅時候後面嘅人都會聞到你嘅香水味，相反噴喺頸前位置只會一直聞到自己嘅香水味。另外，除咗手腕同頸背，香水亦可以噴喺手肘內側、耳朵後方、膝蓋等位置，只係取決於想以什麼風格示人。
2. 香水會過期嗎？
香水上雖然會標明使用期限，但好多人都話香水係唔會過期！香水有酒精成份，放得愈耐愈香醇，可以保存非常耐，因此香水的確係唔會過期。雖然唔會過期，但開封咗嘅香水一旦接觸咗空氣，就會出現變質嘅情況，所以建議開封後嘅香水要喺24個月或36個月內用完。另外，香水需放在陰涼乾燥嘅地方，避免陽光直射，浴室過於高溫潮濕嘅地方都唔建議存放。
3. 噴在頭髮更持久？
用香水都希望香氣可以喺身體維持得耐少少，有人就會選擇直接噴喺頭髮上，但直接噴喺頭上香水很快會被揮發，無法持久，建議大家可以將香水噴喺梳上面，透過梳頭，香水就會直接接觸頭髮~ 但最好都係選擇翻頭髮香味噴霧會更好，因為香水含酒精，長期使用可能造成頭髮失去光澤，加上酒精有刺激性，容易出現頭皮敏感、頭皮紅腫嘅情況。
4. 噴香水之前先使用乳液
皮膚乾燥嘅時候，噴香水會令香味消散很快，可以喺噴香水之前搽上乳液，增加潤澤度同油份，令香水附著力增加，持香度會提升。但建議用冇香味嘅乳液，因為有香味嘅乳液會同香水嘅味道好易混雜。
介紹左關於香水嘅幾個小知識，等小編同大家介紹下幾款高人氣又好用嘅香水，睇下呢幾款香水有冇啱你嘅香味啦！
1. DIOR – Miss Dior Rose N’Roses（按此購買）
Miss Dior Rose N’Roses 充滿玫瑰花、佛手柑同白麝香香氣，淡淡嘅玫瑰花香啱晒各位女性使用，如果鍾意清新果味一定啱晒你，仲有埋教主Anson Lo代言，點可以唔入手買返一支呢！
2. Gucci – Flora Gorgeous Gardenia（按此購買）
Gucci全新推出Gucci Flora Gorgeous Gardenia，全新加長版漆面粉紅香氛瓶，配以閃金色瓶蓋以及Flora圖案，呢款香水有甜甜嘅梔子花香氣，連Mirror嘅Edan同Jeffrey魏浚笙都推薦！
3. Jo Malone – Lime Basil & Mandarin Cologne（按此購買）
Jo Malone嘅香水好出名，相信好多人都知，唔想用好甜美嘅香水，建議可以揀呢款Lime Basil & Mandarin Cologne，用咗青檸、柚子五種柑橘類水果調配出清爽嘅氣味，再加上紫蘇、百里香同有安神作用嘅廣藿香同香根草，非常適合呢個夏天用啊~
4. Le Labo – JASMIN 17（按此購買）
嚟自紐約嘅手工香水，每款香水都會喺香氛實驗室內調配而成，天然茉莉花香，以和諧嘅麝香同檀香嘅混合為特色，鍾情茉莉花香味道一定唔可以錯過啊！
5. CHANEL – N°5 Eau De Parfum Spray （按此購買）
Chanel N°5結合了玫瑰、茉莉、檀香等超過80種香味，既有馥郁性感花香，又有清新嘅白檀香襯托，最特顯女性魅力！呢款都係姜濤使用嘅香水首選，平日仲習慣將噴喺頸部添！