廣告（請繼續閱讀本文）
廣告（請繼續閱讀本文）
影后章子怡日前到法國出席《72屆康城電影節》擔任頒獎嘉賓，佢仲拍Vlog記錄最後一日嘅行程，一朝早佢着上紅噹噹嘅裙，出發去頒獎禮綵排。工作完畢終於得閒到海邊散步，佢戴上草帽享受自由時間，赤腳漫步沙灘相當舒服。期間子怡見到馬路上有兩名交通警，佢雙眼發光並向對方揮手say hi，兩位型男交通警即刻停低同子怡合照，更邀請佢上車兜一圈。工作人員見狀即上前拉走子怡，兩位警察離開後子怡不斷大讚對方：「好熱情的警察！好帥喔！」
直到夜晚，子怡換上透視晚裝長裙搖身一變仙女，現身電影節頒獎禮。去到台下，佢同老公汪峰視訊通話，仲趁機向老公讚身上條鑽石項鍊好靚，汪峰立刻搞笑反回：「要把房子賣了嗎？」兩公婆大騷恩愛。子怡上台頒發最佳男演員後，回到後台見證好友南韓導演奉俊昊奪得金棕櫚大獎，子怡期後上前擁抱對方送上祝福，並喺社交網留言表示：「評審團一致通過，眾望所歸！亞洲電影人的驕傲！不久的將來，希望中國電影人能再獲此殊榮」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/