廣告（請繼續閱讀本文）
黃翠如與蕭正楠（Edwin）結婚兩年多，人前人後都表現恩愛，雙方更不時於社交網Po「蜜」語放閃，而近日兩公婆分別為新劇《七公主》和《一笑渡凡間》開工，昨日二人難得在電視城碰面，梗要趁機以劇中造型影張合照留念啦！翠如留言：「當濟公遇上顧大狀。古代人，有咩要穿越來現代伸冤？」相中，一身「濟公Look」的Edwin一臉嬲爆爆，望住Cool到爆、在《七》劇飾演律師的翠如，場面趣怪，不少網民表示：「帶着仇恨嘅深情對望」、「很可愛的畫面」、「好正」、「兩公婆終於見面喇」、「他穿越來找太太」，亦有人問：「可以用呢個組合拍戲嗎？」未幾，Edwin亦於社交網貼出二人頭貼頭照，並冧爆留下6隻字：「沒甚麼，想見你……」一眾粉絲睇見紛紛大嗌「盲」喇！又有網民表示：「15分鐘內遇上兩個閃光彈」、「輪流Post咁閃得唔得㗎」、「Sweet到糖尿病喇」等，不少圈中好友都有留言，當中陳自瑤笑稱：「喂呀……啱啱食飽飯咋！」孫慧雪就說：「越嚟越似樣。」不過翠如似乎好嫌棄，她回覆：「唔係呀。」超搞笑！
廣告（請繼續閱讀本文）