何依婷唔怕素顏出街：等人認唔到我仲安全

前港姐何依婷（Regina）現身將軍澳電視城，綵排本周六播出的慈善節目之中的打中國鼓環節，她笑言因平時少做運動，拍住其他猛男打鼓顯得「弱雞」，只好靠演技搭救：「打到好有投入感咁，拍子方面我係OK，但因為打鼓要用力先好睇，我嘅力度係唔夠，仲要企第一排！」

講到她離開兒童節目《Think Big天地》，全力衝刺拍劇，她說：「係多咗拍劇、主持機會，離開《Think》就等於新人訓練正式畢業。」再談及她被爆突然富貴，揸名貴房車一事，她謂根本就冇富貴過，並解釋只是二手車：「低過市價一倍有多咁買番嚟，架車都有成7年車齡。（紅咗有心理準備多緋聞、是非？）之前有次喺街發現記者係好驚、好徬徨，即刻打畀經理人求救。（你紅先追訪你嘅。）所以之後都諗通咗，覺得冇所謂。（以後出街會執靚啲？）素顏都唔怕，因為未必認到我仲安全。」

自言單身的她，卻擔心傳媒追訪嚇走追求者：「偏向揀圈外人，鍾意男仔內向啲，對住我熱情、多嘢講就得，我本身就多嘢講，相信咁樣會幾夾。（有追求者？）有，自己都想拍拖。」

東網網站 : https://on.cc/

東網Facebook專頁 : https://www.facebook.com/onccnews/