廣告（請繼續閱讀本文）
現年68歲嘅影壇大哥大洪金寶近年膝蓋出現問題，做過手術亦曾靠坐輪椅代步，為健康着想決心減肥，去年12月佢公開現身資深動作演員陳星追思會時，仍健步如飛，惟昨日（25日）好友、樂壇校長譚詠麟喺社交網公開合照，就見到洪金寶忽然暴瘦，未知是否減肥成績驚人之果，正面睇佢臉頰比以往明顯消瘦，亦暴露出頸紋痕迹，雖然精神甚佳，不過都嚇親一班網友！
譚詠麟在社交網上載兩張合照，見佢哋一行四人齊齊聚頭試洪金寶手勢，仲大讚好食添！譚詠麟寫道：「今午洪大哥親自下廚整幾味拿手小食，真係好食到呢⋯⋯👌👏 」於另一張合照中，就睇到洪金寶側面都有肉地，仲有笑容，但仍有不少網友留言嗌佢要食多啲，保持均衡飲食，留意健康。
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/