早前有市民就因為個人資料疑被盜用，從而發現電子錢包出現轉帳支付漏洞。香港金融管理局亦即時向儲值支付工具營運商同銀行檢視有關程序，做好安全風險管理，避免更多市民損失金錢！要求喺完成相關檢視之前，儲值支付工具營運商會暫停佢哋電子錢包內嘅電子直接扣帳授權服務(eDDA)服務（即自動增值服務）。
近日滙豐旗下嘅P2P轉帳平台PayMe就宣布，將要求喺2018年12月3日前必須上載香港身份證至PayMe帳號，喺限期前未有上載此個人資料，將不能繼續使用轉帳服務。
廣告（請繼續閱讀本文）
若用戶唔願意提供香港身份證或滙豐信用卡資料，日後將無法接收任何款項。如限期後補回上述資料，則可重啟帳戶服務。
廣告（請繼續閱讀本文）
滙豐指是次更新PayMe應用程式，係向早前未有提供滙豐信用卡資料或者香港身份證嘅PayMe用戶，要求佢哋喺2018年12月3日前提供上述個人資料，並建議用戶盡快提交資料，以確保可繼續享用PayMe全面功能。
至於早前被不法份子利用自動增值服務嘅漏洞，從而盜取受害者銀行戶口結餘。其中涉事嘅八達通公司旗下電子錢包O！ePay稱，已於上星期發出電郵，通知部分曾設定自動增值服務嘅客戶，透過其手機銀行或網上銀行戶口轉帳至O！ePay，以作進一步身份認證，望約兩星期內全面重啟自動增值服務。
廣告（請繼續閱讀本文）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）