行政會議今日通過自資大專院校恒生管理學院正名為大學，成為繼樹仁大學之後，香港第2間私立大學。
廣告（請繼續閱讀本文）
恒管校長何順文今年初曾經透露，2017年12月已向學術及職業資歷評審局遞交自我評審報告，預計今年底前可以交俾行政長官以及行會考慮同決定恒管能否升格做大學。
恒生管理學院1980年創校，前身係恒生商學書院(簡稱恒商)，當時係預科課程學院。
廣告（請繼續閱讀本文）
新高中學制實行後，恒商喺2010年獲政府批准改組成專上學院，改名為恒生管理學院，現時有傳播學院、決策科學學院、商學院、人文社會科學學院同翻譯學院5個學院，全校有大約5000個全日制學生同200個全職教師，提供17個學士學位課程。
恒管升格後將改名為「香港恒生大學」，英文名為「 The Hang Seng University of Hong Kong」。教育局局長祝賀恒生管理學院，佢認為私立大學嘅發展令香港高等教育體系更加多元化，令學生受惠。
廣告（請繼續閱讀本文）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）