張松枝喺無綫做綠葉王多年，2012年離巢，之後拍過劇集又闖進影壇，不過講到人 氣急升，點都唔及最近 ViuTV 套神劇《二月廿九 》中演辰叔咁勁，喺劇中同女主角吳海昕嘅一段父女情，演繹細膩、扣人心弦。
撰文、圖片：東方新地
張松枝結婚低調享受家庭樂
廣告（請繼續閱讀本文）
而現實中張松枝都係為人父，結婚12 年，囝囝今年11歲，不過張松枝對家事向來低調，極少晒家庭照。唔晒唔代表關係唔 好，早幾日張松枝就同太太、囝囝一家三口家庭樂，一家之主嘅佢負責揸車，泊好車落地，企埋一邊等埋太太同囝囝，然後三人行去商場買吓嘢，之後去食飯，生活平淡 但實在！
廣告（請繼續閱讀本文）
妻子為有名化妝師 林峯做媒人撮合
廣告（請繼續閱讀本文）
張松枝甚少刻意提及太太，原來太太係行內有名嘅化妝師 Mae Von，以前係林峯嘅御用化妝師，當年仲係林峯介紹佢哋認識，係張松枝同太太嘅媒人！依家張太係一 間化妝學校嘅校長，桃李滿門，已經好少再幫人化妝，除咗佢老公啦！
張松枝與日、韓星撞樣事件薄
張松枝曾因韓劇 《 太陽的後裔 》、《 屍殺列車 》、《 鬼怪 》大熱時，被指同男神孔劉撞樣！其實張松枝已經唔係第一次跟韓星撞樣，早前hit爆嘅《太陽的後裔》Oppa宋仲基，已經有網民提出2人好相似。另外撞樣主角仲有演出《半澤直樹》和《Grand Maison東京》的日本男星及川光博，雖然撞樣，但大家都各有特色，演技同樣出色！