楊思琦與拍拖多年的李泳豪分手後，於11年與吳帥誕下女兒，但自吳帥消失後，女兒跟母姓楊，楊思琦咬緊牙關成為單親媽媽。單身多年的楊思琦，去年10月被發現再度懷孕， 她透露去年年中已跟圈外拍拖半年男友在外地註冊閃婚。今年2月誕下囝囝「 豬豬 」，與大囡 Krystal 湊成個「 好 」字。近日，思琦妹帶著子女去影樓影全家福，希望記錄囝囝不同時期嘅樣貌。
原文刊於：東方新地
楊思琦神秘老公唔見人 帶B仔影全家福得三個人
著上通花白裙嘅楊思琦，為囝囝襯出多個造型，同樣著上白色衫仔，全套母子裝上陣。對於近日新冠肺炎肆虐，思琦亦有擔心帶 BB 外出有風險：「 有擔心㗎，始終 BB 咁細個，但好想同佢影吓啲啱啱出世嘅相，實在好難得，BB 每日都有好多唔同變化，好想影吓佢個 BB 仔樣，等佢第日大個可以睇番。」
楊思琦仲話攝影隊伍嚴陣以待，事先將影樓消毒，在場工作人員亦全部戴上口罩，令佢非常放心：「 之前家姐唔喺香港出世，未有機會影呢啲初生寫真，細佬喺香港出世就方便好多，容易安排，我陀緊佢時已好想等佢出世同佢影輯 BB 仔靚相，終於同佢影咗，效果好滿意。」思琦笑指囝囝瞓足全程冇醒過，好鬼歎！
隱形老公靠唔住 楊思琦陀第二胎時從未出現
唔好話影全家褔唔見人，其實一月時本刊已經拍到思琦妹一個人苦陀BB兼湊女，老公全程隱形。上一胎被吳帥𡁻完鬆，楊思琦深知外界對BB生父身份一定非常關注，她透露去年年中已跟圈外男友於外地秘密結婚，懷孕是一早計劃好的事，楊思琦說：「另一半係圈外人，所以想低調，保護大家嘅感情，而且怕BB小器，所以一直打算順其自然，依家可以同大家分享呢個開心嘅消息喇 ﹗」思琦更表示丈夫是在香港生活的中國人，雙方經朋友介紹認識，拍拖半年才結婚。不過每當談到老公背景，思琦都三緘其口，聲言想留一點私隱，故未有計劃公開。
思琦妹表示好幸福 但隱形老公從未現身
向來報喜不報憂的思琦，強調婚後才懷孕，對口中的老公讚不 絕口：「老公對我好好，用心愛我，同大女都夾，因為佢都鍾意小 朋友，相處得好好。」思琦話囡囡卓穎現時仍叫後父的名字做稱呼，不過遲些就會改口。突然大肚兼有老公，思琦堅稱已註冊但未擺酒，奇就奇在從來冇 人見過她口中的中國人老公，據知情者透露：「上一次就話畀人呃恨錯難返，思琦一意孤行生女自己養，查實呢幾年佢不知幾咁辛苦，既要搵錢供樓養家，仲要照顧個女，因為卓穎太好動，所以唔適合讀傳統學校，思琦幫佢轉去國際學校，個個月淨學費都過萬蚊，真係有苦自己知。今次再大肚，佢對外話已經結婚有老公，但身邊朋友都從來冇人見過呢個男人，就算思琦去產檢都冇出現，每次都係思琦媽同卓穎陪佢去，兩次生B都冇個男人喺身邊陪住，佢把口講到個男人幾咁愛佢對佢幾好都係得個講字。」
錫女錫到燶 挺大肚親自接放學 有苦自己知
生B咁大件事，思琦老公卻可以置身事外，不過孕婦覺得冇問題，仲感到好幸福。要供樓要養女仲有即將出世的第二胎，思琦永不言休，下個月生得的她日前與楊母一齊去接卓穎放學，現場所見，思琦個肚大得很，行路已十分緩慢。
上個月仍親自揸車接女放學的她，司機一職終由楊父代勞， 可能陀B搞到周身痛，思琦面色麻麻，踏入 2020年，她更患上重感冒，大住肚仲咁辛苦，真係有苦自己知。其實一個女人幸唔幸福有樣睇，幸福係要晒㗎！