李佳芯(Ali)最近首次執導,為慈善機構「耆智園」拍攝宣傳關注腦退化症的短片《伴》,今次她首次身兼演員、導演、監製及編劇四個崗位,更邀請到資深導演兼演員張同祖飾兩父女。籌備一年,短片今日在她個人推出的YouTube頻道首播,進軍導演崗位之餘,更正式進軍YouTube界。
廣告(請繼續閱讀本文)
Ali今次由零開始,之前沒有製作經驗,只好四出拍膊頭找幕後朋友幫忙,埋班初期曾經因為壓力太大而萌生放棄念頭。「初初以為慈善project唔需要好多錢,所有嘢諗得太簡單,到叫人幫手做嘢時,發現要搵到合適嘅人做合適嘅崗位真係唔易,當下真係好徬徨無助,有時係到諗我咁辛苦為乜呢?老實講我一蚊都冇收,既然唔係為賺錢,點解我要攞苦嚟辛呢?」
廣告(請繼續閱讀本文)
張同祖多年未有在幕前亮相,Ali今次能夠成功邀請到祖哥飾演父親角色,可謂過五關斬六將:「我托朋友介紹聯絡佢幫手時,佢真係唔知我係邊個嚟,亦冇睇過我嘅作品。我send資料畀佢後,過咗幾日見冇回音,我就膽粗粗約佢出嚟飲茶以表誠意,第一次見面佢已經比咗好多劇本上嘅寶貴意見,最後見多幾次面後,終於打動到佢幫忙演出。」
廣告(請繼續閱讀本文)
Ali 大讚祖哥不但沒有計較酬勞,而且還在拍攝時無私分享執導經驗:「言談間佢灌輸我知電影究竟係咩一回事,話比我知對每個作品嘅要求同高度,我喺佢身上睇到佢對電影嘅每一份執著同熱誠,十分敬佩。」
籌備歷時一年,Ali的心血作品終於面世,她透露本來打算舉行首映禮廣邀長者及傳媒好友,奈何疫情現時仍反覆不定,最後決定將首映移師到網上發布:「我諗深一層,我搞首映最多都係幾百人入場睇,但呢個project受眾更多先會令成件事更有意思,所以最後選擇以網上形式搞首播,大家都可以免費睇到,影響力先會更加大!」
~GaRbRiEl~ 睇落一條好似好短,好簡單嘅影片
但背後花咗極大心思去製作,仲要不收一分一文
睇晒成條片,唔好skip
就係對製作人,演員,同幕後嘅尊重
2022年09月19日01:28
Lien_fang聯芳 落地孩兒父母伴,長大成人思侶伴,
歲月流逝失一半,孤獨終老成羈絆。
子女應有反哺心,朝夕心繫老人親,
五蕴皆空世間情,一切苦厄輪迴空。
Ali首導、演、編已屬佳作,父女温馨之情带出年華逝去失智老人的無奈,惟片頭呢喃低吟稍嫌冗長。
2022年09月19日04:01
顯示全部