陳法蓉沙律媽吸客狂接廣告 莊思敏李嘉刪剪牀戲流出

陳法蓉出街更被街坊稱呼叫沙律媽。

劇集《一舞傾城》下星期進入結局篇，今日大批藝員出席活動做勢；而結局篇的焦點將落在陳法蓉飾演的沙律媽與出獄後唐文龍的感情線，久未拍香港劇集的陳法蓉表示今次重新感受觀眾的熱情，出街更被街坊稱呼叫沙律媽，相當過癮，今次劇集為她帶來不少廣告，「呢幾日簽咗新經理人公司，同時亦都好多廣告商搵做代言，除了香港、內地外，仲有新加坡，咩類型廣告都有，要經公司慎選咗先，所以暫時都未知接咗幾多個廣告，但都好開心，大家咁鍾意呢個角色，當然最開心就係觀眾讚我靚喇。」

莊思敏與李嘉在劇中有場超激牀上戲在網上流出。

莊思敏與李嘉在劇中有場超激牀上戲，但因電視尺度問題而被刪剪，但該段片段近日流出，兩人在牀上激戰，動作相當露骨及大膽，李嘉表示開拍前已向太太備案，「段片太太暫時未睇到，但拍攝之前她都知道我會有大膽演出，她都話冇問題，始終劇本點寫，演員就點做，只係男女之間親熱，所以都好日常，演員只係將戲劇生活化。（武打定愛情動作辛苦？）各有各辛苦，打的辛苦比較大，愛情動作片動作比較細，比較似柔術。」他表示太太早前發生車禍，目前休養中，「太太之前遇上車禍令胸骨斷了，肩膊軟組織亦傷了，我都有買些食療補品俾佢進補，等佢早日康復，即使將來要生BB，都要調理好身體。」今日出席的藝員還包括姚子羚、蔡潔、陳星妤、文凱玲、楊明、唐文龍、關楚耀、高鈞賢、鄺潔楹、傅嘉莉、何浩文、吳沚默 及 沈瞳伽等。