周嘉洛首擔正男一。
無綫劇集《痞子殿下》前晚（1日）首播，昨晚（2日）播出的第二集，飾演紀威的周嘉洛已有突破性演出！劇情講到范壯龍（張頴康飾）打算偷看納克溫柔（陳瀅飾）沖涼，但正在洗白白的其實是紀威，紀威即時企起身鬧爆壯龍淫賊，豈料壯龍反過來威脅紀威說：「你知唔知每個男人心裏面都有座山㗎？係斷背山呀！」嘉洛於該場口犧牲色相全裸露股，網民驚歎是否真身？
廣告（請繼續閱讀本文）
周嘉洛為效果好，不介意全裸露股演出。
據監製陳耀全（Andy）透露，嘉洛拍攝相關場口時原本有著肉色褲打底，但為了出來效果更好，Andy建議嘉洛全裸上陣，嘉洛亦二話不說答OK，獲Andy大讚專業。問到為何如此爽快答應「剝褲」？嘉洛受訪時同樣爽快回應謂：「都係為咗效果，對我嚟講無傷大雅。」嘉洛補充指當時更臨急臨忙做安全措施：「監製同我一齊去㗎，主要用牛皮膠紙黐住敏感位置。」問到搣膠紙時會否好痛？嘉洛笑謂：「都唔會痛，因為一浸落水度啲膠紙就會甩，反而係起身時驚穿崩，好彩前面得張頴康一個，佢見到膠紙就甩都擰轉面，好似仲講咗句：『我唔想睇，唔好逼我！』」
廣告（請繼續閱讀本文）
原本着肉色褲。
另外一場張頴康、朱敏瀚、陳瀅及JW（王灝兒）聯手設局嚇嘉洛意圖喚醒其失去的記憶戲分，嘉洛一輪嘴式重組案情揭穿眾人詭計，喜感及節奏感十足，據知嘉洛為了令該場戲變得更豐富立體，更與監製齊齊研究對白、最終度多了半頁紙。張頴康在該場戲先扮嘢「生擒」陳瀅，後來又錯手拮傷嘉洛，亦別具喜劇細胞。張頴康自爆在片場經常「焗蟹」，但原來JW比他更加忍不到笑，故他笑稱：「我同佢瀨嘢係最多！」
廣告（請繼續閱讀本文）