網上熱話｜連登仔稱香港輸晒俾內地 借1款雪糕解釋 網民：敢食落肚咩

近年愈來愈多港人鍾情北上消費，雖然香港政府不時推廣活動盼能帶旺經濟，但似乎帶旺的卻是內地經濟。近日有連登仔就在討論區上發文表示「香港真係輸哂比大陸」，而令他有此感悟的原因卻僅是一杯雪糕，引來大批網民留言與他展開激辯。

連登仔稱香港輸晒俾內地 1款雪糕高下立見

早前，一位連登仔在討論區上以「香港真係輸哂比大陸」為題發文，劈頭就分享了一段由內地網民上傳的影片，借助一款雪糕看出香港的飲食業完全比唔上內地。影片中的主角是一杯繡花冰淇淋，即雪糕的形狀是不同顏色的花瓣，唧成一朵朵像真度極高的繡球花。

列4大內地飲食優勢 自信表示：返大陸消費係有原因

單憑這杯花花雪糕，發文者已看出內地飲食業的優勢，他表示「都未講味道，淨係賣相都贏你九條街」、「仲要即製」、「同佢張宣傳相9成半相似」，而重點是一杯看上去手工極度繁複的雪糕「先¥29」。與香港相比，「香港好少少嘅雪糕過$150外型都勁普通」、「你好食又點，啲遊客同港女點打卡，點吸引人消費」。最後更形容幫襯香港雪糕店時，店員「唧比你仲可以西口西面」，因此認為「人地返大陸消費係有原因」。

網民唔認同反問：敢食落肚咩

發文者講得有紋有路，惟大批網民就唔多受落，有網民表示「大陸雪糕火燒都唔溶，緊係贏」、「食多啲，第時生cancer唔好怨」。亦有網民質疑花花雪糕的用料，「緊係水晶膠加雙氧水啦」、「大陸奶類食品敢食落肚」、「壓低人工做奴隸」、「有小小技術，唧到花個質感必須控制」、「溫度熱小小都溶，咁估計係多粉/ 凝固劑比例較高令佢凝固」、「估計高成本，好睇唔好食」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)