廣告（請繼續閱讀本文）
廣告（請繼續閱讀本文）
名模熊黛林（Lynn）2016年下嫁郭可盈弟弟郭可頌後，少有接拍廣告，日前她再次成為醫美集團代言人，與廣告商合作超過10年，今次可謂是「美的延續」。Lynn表示對方找自己再合作時，她一口答應，又謂：「因為成件事好鼓舞，我已經唔係少女啦，結咗婚生埋兩個小朋友仲可以保持狀態，相信係每個人夢寐以求嘅事，要帶出每個年齡無論男士同女士都可以，好希望將呢個訊息帶畀大家。我自己都好鍾意做運動，我仲話要畀埋會籍我老公、我媽媽、所有親戚一齊去做，兩個女都要一齊去，哈哈。」
Lynn認為無論甚麼年齡，保持身心健康至關重要，她自爆現時十分養身：「除咗日常補品之外，運動更加係不可或缺。會去健身室之餘，屋企都有一部健身踏步機，一星期點都要郁4至5日，幾忙都要郁吓，唔郁個人會好攰、好腫，成身都唔舒服，運動完出身汗就舒服好多，當然有個地方畀我做運動緊係無得頂啦！以前我就會去健身室等老公，依家雖然唔會一齊做運動，但都各自健身保持身體健康，以前我就會練線條，依家照顧屋企雖然冇咁多時間，但唔可以畀自己肥。」
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/