廣告（請繼續閱讀本文）
藝人楊茜堯（堯堯）主演的無綫台慶劇《黑色月光》正在熱播中，戲中有不少久違了的臉孔，除尹揚明「復出」扮演馬志威父親外，張文慈（Pinky）亦即將登場，扮演一名闊太，其中一場戲獲老公李成昌找堯堯幫手，花上520萬投得名畫一幅贈佳人，瞬間成全場焦點！
雖然今次只有數集，Pinky卻拍得相當開心：「最近我直播帶貨，好多粉絲都叫我角色名Sabrina，真係好有親切感。其實有好幾年冇拍戲嘞，啱啱埋位嘅時候好似新人一樣，連機位都唔記得晒，真係有啲尷尬，好彩茜堯好好，有佢喺度我即刻鎮定番。」
廣告（請繼續閱讀本文）
原來Pinky與堯堯屬首次合作，但卻有「親戚關係」：「以前我同羅子溢演過兩姐弟，所以堯堯一見到我就叫家姐，又即場打畀子溢同我傾偈，真係好窩心。」她又笑指今次拍劇算止戲癮，倘若日後再有機會的話，她十分樂意繼續以演員身份與觀眾見面。
東網網站 : https://on.cc/東網Facebook專頁 : https://www.facebook.com/onccnews/