近年家長十分重視育兒的安全問題，例如擔心使用學行車可能影響寶寶肌肉發展，因此父母避而不用；又例如為了防止BB亂爬亂走，會使用Playmat或網床。一名移居台灣的媽媽便因為奶奶太固執，堅持使用學行車，又不肯用Playmat（遊戲地墊），於是在網上抱怨，反而遭網民齊齊鬧爆，原來跟奶奶超強背景有關。
Photo from 《產後調理院》劇照
對奶奶湊孫方法有讚有彈
事主指與奶奶同住，奶奶家有工人，自囝囝出世後，平日上班時間會交由奶奶照顧。家中有長老和工人照顧孩子，已是不錯的育兒選擇，事主亦讚奶奶「衞生、餵食都做得好好」，但同時抱怨：「佢就有佢嘅固執，完全唔肯聽人講嘢」。
Photo from MamiDaily
不肯用Playmat、堅持用學行車
事主舉出三個例子：
第一件事：唔肯用playmat同網床，又話冇用。
第二件事：我哋已經話唔用學行車，基本上我哋搵晒 journal 比佢睇，母嬰健康院都出晒guideline 叫唔好用，佢死都要用。又話我個仔好鍾意，我哋冇辦法，淨係可以講，叫佢尊重下我哋做父母嘅。
第三件事：我有張新high chair，想等我個仔大小小比佢坐，佢（奶奶）死都唔比我哋拎出嚟用，佢話而家坐緊嗰張可以坐到2歲。
Photo from 《天使的微笑》劇照
奶奶背景超強
事主繼續投訴，指老公曾經試過反抗，但當然不成功，因為奶奶「不嬲都自把自為，唔聽人講嘢，佢嘅說話先係真理。我哋仲要靠佢湊住我個仔，請問我可以點做？」看完事主的帖文後，網民一致鬧爆，指事主不知足、雞蛋裏挑骨頭，原來奶奶並非無知識的古老石山，有超強專業背景，本身是一名退休護士長。
網民認為：「退休護士長，坦白講，我信佢多過信自己」、「除咗有護士牌，分分鐘有埋助產士個牌，湊仔嚟講，專業過專業」、「超難得有位護士長嚟照顧自己嘅小朋友…我真係超級羨慕。衞生同健康，我諗一定比其他小朋友好勁多…可以安心返工賺錢…」，有人直指事主是「極品新抱」，單講衞生和餵食，很多奶奶做不到，工人亦未必達標，事主應該要感恩，「咁專業人士都唔信，真係唔知你可以信邊個」。
Photo from 《產後調理院》劇照
自己的孩子自己湊
不少人認為，事主抱怨的三件事，本身亦很小問題，「要人湊就咪咁多要求，而且你啲要求都唔係啲咩重要嘢」、「本身有一張high chair 叫你唔好搬多張嚟好正常呀， 有幾大件事呢？」、「其實奶奶肯幫，乾淨同安全已經好好，其實咩highchair、playmat都係其次，學行車未必好，但都唔係壞事」、「都有睇過學行車嘅壞處，但只係一部學行車，又唔係日日坐幾個鐘，間中坐下我又唔覺得對身體影響真係咁大」。
有人提出，一些嬰兒用品是商業社會吹捧的手段，不要視為金科玉律，「好多嘢吹捧出來係為咗呃新手父母買，啲人信到十足以為咁先好，例如playmat網床之類，完全係多餘，有時用返舊個套仲好」。
同時勸事主，要求長老湊小朋友，需尊重奶奶的照顧方法，否則最好自己辭職，自己的孩子自己湊。「個人經驗，比得其他人湊，有啲位就隻眼開隻眼閉，唔係太過分就尊重對方點湊」。
Text：Mami Editorial