我每年吃大閘蟹有Quota的，通常最多吃兩餐，今年也不例外，第二餐大閘蟹在尖沙咀金域假日酒店的龍苑中菜廳，套餐每人有兩隻大閘蟹，共8道菜，相當抵食。
以往去過金域假日酒店龍苑中菜廳很多次，對這間中菜廳相當有回憶，龍苑的菜式一向偏向傳統，不是新派那種打卡食物，每次來到都像見老朋友一樣。
今次來到龍苑，就跟老朋友們食大閘蟹!
龍苑的大閘蟹套餐共8道菜，售價賣每位HK$638加一 (兩位起)。
很多大閘蟹套餐通常每人一隻大閘蟹，這次就每人有兩隻，如果仲嫌少，可以繼續追加，每隻HK$120。
大閘蟹套餐由燒味前菜開始!
四小碟前菜有醉雞、燒腩仔、陳醋雲耳、手拍青瓜，預了要吃大閘蟹，前菜份量不宜太大，這碟五人分，剛剛好，水準亦保持一貫酒家風格。
鮑魚絲海皇羹有相當多的鮑魚絲，湯汁鮮甜而很濃郁稠密。
當晚吃的是江蘇大閘蟹，每隻四両至四両半，端上時真的是綁紮著繩，我冇股票在手，百無禁忌，無所謂，就自行鬆綁吧!
我對拆蟹有點笨拙，像這次一剪開蟹殼，入面的蟹膏就濺到四周。
不過都無所謂，依然吃得滋味，這次的蟹鮮味足，吃時可點鎮江醋和薑米調味，蟹雖然未算爆膏，但可以食兩隻是最大好處。
吃完兩隻大閘蟹，真的好足夠了，不用再追加，只要加一杯花雕酒。
拆完蟹後，就來一客仍偏向清而鮮的花雕蛋白蒸蝦球，鮮味全落在蛋白上。
蟹粉蟹肉是超濃郁的食物，配豆苗都正好中和了過份濃厚的感覺。
再來一件蟹粉小籠包!
這客砂鍋薑米蟹粉炒飯端上時是熱騰騰的，份量對五人來說相當大，粒粒飯充滿蟹粉香，我就吃了好大碗。
大閘蟹的甜品離不開薑茶，有驅寒養胃之效，這裡的薑茶是好夠薑的，一客黑糖薑茶湯圓中和了兩隻大閘蟹的濃郁。
除了8道菜套餐外，同場加多一道「招牌炸子雞」，是龍苑的經典菜式，很老派的做法，七彩蝦片向來搶眼，吃蝦片都吃到停唔到口。
以這個價錢來說，龍苑的8道菜大閘蟹套餐實在抵食，吃完兩隻大閘蟹後，今年的大閘蟹已經達標，可以圓滿地收工了。
龍苑中菜廳
地址: 尖沙咀彌敦道50號金域假日酒店低層1樓
電話: 23151006
營業時間: 11:00 – 15:00, 18:00 – 23:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung