歐聯A組賽事，加拉塔沙雷主場激戰曼聯，曼聯作客到土耳其嘅地獄主場，雖然拉舒福特紅牌停賽，但有前鋒海倫(Rasmus Højlund)復出，中場就並無繼續派上文奴，而係由麥湯同安拉拔(Sofyan Amrabat)打4-2-3-1陣式嘅雙防中。主隊嘅加拉塔沙雷上次對碰以3比2取勝，今日4–2-3-1陣式雙防中用上托雷拉同尼當比利，右翼起用車仔借將薛耶治(Hakim Ziyech)，五大聯賽嘅棄將聚首一堂誓要晉級歐聯。
上半場兩隊互有攻勢，雖然曼聯嘅中路防守未夠嚴密，但兩隊鬥攻曼聯今日勝在把握力高，11分鐘曼聯一次進攻殺入禁區，前鋒海倫先做支點再回傳，般奴再分去無人看管嘅加拿祖係左路抽網頂入波，個人延續好表現之餘亦為曼聯領先1比0。7分鐘後曼聯左路一個三角短傳後，般奴左路禁區外搵到空間勁射死角入網，18分鐘曼聯就領先到2比0🙌🏻
雖然曼聯早早領先兩球，但主隊嘅士氣同兩路進攻多次衝散攪亂曼聯嘅防線，特別係右路嘅保怡(Sacha Boey)，全場多次來回跑，進攻時更一支箭衝向客隊嘅Half Space拉開空間或作支援，而今日右翼嘅薛耶治(Hakim Ziyech)更將佢嘅私家Q發揮到極致，29分鐘由佢主射罰球穿過人牆直入，上半場兩隊踢成1比2由曼聯領先。
下半場加拉塔沙雷依舊全力進攻，令曼聯係55分鐘一次反擊人多打人少，右路一個簡單傳中由麥湯文尼入楔撞入3比1。然而門將奧拿拿又送禮，62分鐘薛耶治處理罰球，力度角度唔算刁鑽甚至正中央，但奧拿拿卻撲入自家龍門，71分鐘更被安達古路(Kerem Akturkoglu)射破近柱，被追成3比3嘅曼聯軍心渙散，尾段兩隊波踢得極度開放不斷來回進攻，整場比雙方炮製33次起腳，無奈曼聯無以為繼，後備力量質素有限，最終兩隊踢成3比3，曼聯要保住歐洲賽資格勢危🫣
主隊方面喜見薛耶治再度交出亮眼表現，漂亮嘅左腳傳送加上罰球直入，對上一次如此亮眼可能係效力阿積士對戰車路士4比4嘅時候。陣中嘅安達古路同保怡交出嘅拼勁、表現同態度，或許係未來球壇嘅明日之星，值得繼續留意。
#歐聯 #歐聯小組賽 #曼聯 #加拉塔沙雷 #加拿祖 #般奴費南迪斯 #薛耶治 #麥湯文尼 #奧拿拿
▼Follow 足球港場
Instagram: https://www.instagram.com/footballarena_hk/