尖沙咀美食｜杜拜皇室御廚到港開餐廳 經典印度菜新演繹
呢間隱藏於尖沙咀樓上的印度料理餐廳，主廚Balram Yadav背景經驗非常之豐富擁有超過30年國際烹飪經驗，更曾擔任杜拜皇室御廚長達四年。主廚將經典印度菜重新演繹，採用現代烹飪手法，卻又保留地道原始風味。炭火Tandoori係印度菜必食菜式，自家製香烤印度芝士、慢煮羊膝燴香料飯、碳烤香料羊架等都是出色料理。當中印度芝士Paneer是自家製，經香料醃製並燒烤至焦香充滿煙燻香味。而慢煮羊膝燴香料飯，飯粒充滿香料香味加上吸盡羊膝精華，每一啖都香氣四溢。另外還加入了印度街頭小吃文化，好似羊肉碎配印度餐包、伊朗三角餃、酥炸印度麵包配鷹嘴豆咖哩等。當中羊肉碎配印度餐包，麵包經過烤後外脆內軟再夾住碎羊肉及醬汁非常惹味。每一道菜都充滿趣味與驚喜，是全新印度菜味覺體驗。
▲咖喱角沙律 ($88)，一道經典北印度街頭美食，將香脆咖喱角壓碎，淋上酸甜羅望子醬、乳酪、瑪薩拉香料，酸甜開胃。
▲羊肉碎配印度餐包 ($128)，混合香料慢煮新西蘭羊肉碎，以熟蛋碎點綴，配上外脆內軟印度餐包。
▲碳烤自家製印度芝士 ($148)，以新鮮牛奶自家製作的印度芝士，經香料醃製並燒烤至表面略帶焦香。口感鬆軟，帶點微辣。
▲牛油咖喱雞 ($158)，源於 1950 年代的德里，酥油番茄咖哩醬燉煮炭烤雞肉，口感絲滑、帶有微酸及煙燻香氣。
▲辣椒油芝麻烤餅($38)，炭火烤至香脆，表面塗上一層辣椒油而味道充滿芝麻香。
▲慢煮羊膝燴香料飯 ($218)，採用經典烹調方式，將嫩滑的羊膝和芳香四溢的印度香米分別烹調。 香料飯加入荳蔻、丁香、肉桂、番紅花等烹調，再層層疊加在一起，最後以麵糰密封蒸煮。飯粒吸盡羊膝精華，加上香料味非常惹味。
▲印度風西多士 ($118)，以香港法式西多士為靈感的變奏版本，採用布里歐麵包，搭配雪糕及雜莓。
Spice Bazaar
地址：尖沙咀寶勒巷尖沙咀寶勒巷10 號10 Prat 大廈4 樓
電話：3422 8588
文字：香港人遊香港