容祖兒睇謝霆鋒演唱會後投訴　「你應承咗嘅壞習慣去咗邊」

謝霆鋒一連4場《Evolution Nic Live進化演唱會》昨晚（4月24日）揭幕，亦是首位香港歌手在啟德體育園5萬人主場館舉行演唱會。大批圈中人捧場包括張敬軒、容祖兒、蔡卓妍（Sa）、關智斌、沈震軒、周柏豪、高海寧、李幸倪、泳兒、洪永城夫婦、MIRROR成員等。祖兒與阿Sa在觀眾席上看得投入，不時又唱又跳，更幾乎失聲。不過，原來容祖兒和不少觀眾都有一樣有「投訴」，就是謝霆鋒沒有在演唱會上唱《壞習慣》。

容祖兒在社交平台貼出昨晚睇騷的片段，寫道：「今個禮拜以為唔使去澳門可以唞吓把聲，點不知今日喺啟德嗌到差啲失咗聲㖭。謝霆鋒你以為淨係你喺台上唱到索氣呀，我哋做觀眾都爭啲斷氣啊！又潛龍勿用又改造人遊樂場玉蝴蝶非走不可無聲仿有聲愛後餘生前前後後左左右右因為愛所以愛一擊即中開放日曝光活著Viva⋯⋯全晚又激動又感動，我都唔知自己想點。」

容祖兒大讚謝霆鋒，最後亦不忘投訴師兄：「想當日第一次聽無聲仿有聲，我只係剛剛加入公司小丫頭，見到你個背影都俾你嚇親，但係總結咁多年後，你係我見過最好嘅男人之一，經過咗今晚全場觀眾為你歡呼喝采，相信大家等了25年都值得！我哋一家人為你驕傲！唯一不滿意就係你明明應承咗我哋唱嘅……「壞習慣」究竟去咗邊呢？呢個壞習慣要改啦⋯⋯」。