炒鬼呢期至愛一定係內房股，勝在成交活躍波幅夠。碧桂園（2007）又有消息，今朝一度炒高14%，成交額仲一度多過騰訊（0700）！內媒報道，碧桂園旗下債券「20碧地04」展期方案，已於昨日（12日）晚間獲表決通過。目前碧桂園旗下9個計劃展期的境內債，僅剩下「16騰越02」債券待表決通過，其餘均已成功展期。
愈高危愈好炒，花樣年控股（1777）今朝曾炒高55.7%！寶龍地產（1238）爆升46%；富力（2777）升一成半，不能盡錄….
廣告（請繼續閱讀本文）
內房炒得咁勁，一定要有北水助力啦！用EJFQ「精明選股」篩選，好快就知邊幾隻內房喺過去一星期、一個月及三個月都有北水淨入，最新見有14隻，不妨參考一下，不過唔夠貼市、唔冒得起風險，就真係「不喜勿進」喇！