廣告（請繼續閱讀本文）
組合SIS樂印姊妹着到紅噹噹四周圍𢭃利是，身為準人妻的妹妹駱胤鳴，特別準備利是袋𢭃盡最後一年︰「諗起下年要派又擔心、又開心，見到乜人都會𢭃。（快啲生番個回本？）原來回唔到本㗎！朋友已經接受咗呢個殘酷嘅現實，有傾過呢兩、三年都唔生住，想過二人世界先，生咗就等於多咗個『小三』，如果係女，我仲得了？我哋心態仲好小朋友，經濟能力又未養得到，所以都係開心兩年先。」
廣告（請繼續閱讀本文）
家姐駱胤樺指一知道妹妹出嫁都好感動，即使被「爬頭」都唔介意︰「好多家庭都係妹妹嫁先，做大嘅就好似有份責任感照顧個細。（會唔捨得？）佢搬走之後嗰幾日都唔捨得，獨霸一間房原來會好空虛。（幾時到你？）唔想咁煩住，哈哈﹗」駱胤鳴透露大婚之日，家姐會擔任特別一職︰「知道做姊妹好辛苦，況且現實中都做咗好耐，就叫佢做表演嘉賓，唱首我好鍾意嘅歌。」家姐即搞笑問︰「唱咗首歌，係咪唔使畀咁多人情？」駱胤鳴撒嬌︰「長輩一定要送龍鳳鈪！」家姐聞言無奈接受，認真爆笑！
東網網站 : https://on.cc/
東網Facebook專頁 : https://www.facebook.com/onccnews/
廣告（請繼續閱讀本文）