現年64歲的藝人金燕玲今日接受好友蘇施黃主持的《大玩派》電台訪問，金燕玲自揭在今年初發現患有子宮癌，她表示須接受手術開刀及6次化療。適逢新正頭發生不好的事，金燕玲談及時一度想喊，並透露曾不想公開病情，因不希望家人和朋友擔心。
撰文：Chloe(原文刊於：SundayKiss) | 編輯：東方新地| 圖片：新傳媒資料、YouTube截圖
64歲金燕玲自揭年初確診子宮癌
金燕玲在節目中透露，她在今年初做例行身體檢查時證實患子宮癌1期，並已於年初五（2月9日）進行手術開刀。金燕玲得知患病後落淚：「過年前我流住眼淚染白頭髮，咁都要過年㗎！就算病，個樣都要好睇啲。」
金燕玲：「最唔想個女知」
金燕玲透露唔想囡囡同妹妹擔心，所以今次她得知患癌後，只告知好友關之琳和蘇絲黃。「最初得阿蘇同我最好朋友關之琳知，我最唔想個女知，佢喺英國，喺咁遠幫唔到任何嘢。佢又會喊，好擔心我，我就仲擔心，咁會令我情緒好波動。我個腫瘤係惡性腫瘤，三年後復發機會好大，USPC（腫瘤名），要開刀同一定要做化、電療。」
直至完成手術後，因為身體虛弱，金燕玲知道瞞不了女兒多久，故選擇告知女兒，「做完之後，我諗係咪要講畀個女聽呢？唔講個心唔舒服。因為開刀好弱，我又要作狀，成日同個女視像，佢問點解我成日咁早瞓。」
捱6次化療 有脫髮現象
她表示做完手術後要開始接受化療，一共需要做六次，每三星期做一次。化療期間，她不但作嘔，連嗅覺同味覺都出現奇怪感覺，並已有脫髮現象。她坦言暫不能繼續演出工作，但會正面面對，就如未病之前也這樣生活。面對「好得人驚」的脫髮問題，她認為要做好心理準備，故勸大家若有問題去睇醫生，及早治療，這是她在節目很想表達的事。
回顧64歲金燕玲後生年輕相 葫蘆身形玲瓏浮凸！
播完冇耐嘅無綫劇集《荷理活有個大老千》幾位老戲骨鬥戲精彩百出，當中四奪香港電影金像獎同兩奪金馬獎「 最佳女配角 」嘅金燕玲，同影帝鄭則仕嘅互動以及跟王子涵的母女戲感動人心，今次搵嚟佢年輕時嘅靚相，身材出眾令人惹遐想。
｜73年 拍港片成名
73年夜總會歌星金燕由台灣嚟香港發展，接拍呂奇自導自演電影《 女人面面觀 》，雖然冇露點，但情慾戲演得風騷入骨，艷光四射，令佢一片成名。
｜74年 18歲眼大對
18歲嘅金燕玲擁有一雙大眼睛，畀 人感覺好鬼精靈，加上成熟嘅髮型，比真實年齡成熟。
｜74年 床上惹遐想
金燕玲著上短褲仔露出一對雪白玉腿， 側身瞓喺床上，誘惑嘅眼神令人想入非非充滿遐想。
｜74年 跌帶引死人
《女人面面觀》成名後金燕玲不斷接演風月艷情電影，且愈剝愈多，呢次著紅色吊帶one piece裙展現葫蘆身形，加埋跌帶引死一眾男士。
｜74年 露點戰何B
74年金燕玲喺電影 《 水為財 》豁出去大膽露點色誘「金牌司儀」何守 信，片中兩人床戰連場，睇到鼻血直標。
｜75年 夏日俏女郎
一張罕見嘅金燕玲靚靚相，當年未滿21歲風情萬種嘅佢，戴沙 灘帽加上回眸嘅眼神，又有另一番韻味，展現性感以外逼人女人味。
｜86年 青霞初合作
金燕玲同「 亞洲第一美人 」林青霞除咗同樣由台 灣嚟香港發展，原來年齡亦係一樣，但呢兩對無所不 談嘅好朋友，直到86年先至首次合作，拍周潤發主演 嘅港產電影《 夢中人 》，碰面時自然傾到唔停口。
｜86年 夥拍葉德嫻
好戲之人金燕玲同葉德嫻第一次合作係82年嘅電 影《 拍拖更 》，當年離婚冇耐重投影壇嘅金燕玲只得 兩日戲，86年電影《 老娘夠騷 》第三次合作時就演一 對好姊妹，仲一齊影宣傳靚相㖭。
六奪最佳女配角
86年《地下情》
金燕玲片中係第三者，同花心男梁朝偉 有激吻床戲，突出嘅演出勇奪第六屆香 港電影金像獎「最佳女配角」，贏得首個 電影獎座。
87年 《人民英雄》
金燕玲演通緝犯狄龍嘅獄中女友，狄龍挾持人質 要求警方釋放佢，但金燕玲居然拒絕，壓軸爆炸 性嘅演出令佢蟬聯香港金像獎「最佳女配角」。
94年 《獨立時代》
呢套台灣電影中金燕玲演男主角王維明嘅二姨 媽，對姨甥仔懇切耐心關懷，戲份唔多但動 人，為佢贏得第三十一屆金馬獎「最佳女配角」。
16年 《踏血尋梅》
金燕玲片中演女主角春夏嘅新移民媽咪，憑收放自如情緒對比強烈嘅演出，奪第 三十五屆香港電影金像獎「最 佳女配角」，可謂實至名歸。
17年《一念無明》
喺呢套低成本電影，金燕玲飾演 長期病患嘅躁鬱症病人，將嗰份 焦慮不安同瘋狂演得淋漓盡 致，難怪連奪香港電影金像獎同 金馬獎「最佳女配角」。