開個唱請好友張敬軒做嘉賓 關智斌：有佢喺度會特別安心

關智斌（Kenny）忙於籌備處男紅館演唱會，日前也抽空接受TVB娛樂新聞台節目《StarTalk》訪問，他坦言沒想過可以開個人演唱會：「好dramatic（戲劇性），用坐過山車形容都啱，因為自己一直係組合出身，就算係都係諗住以組合形式上紅館舞台，上天嘅安排好奇妙，用另一個方式畀咗個舞台我，我會好好珍惜。依家rundown全部改晒，之前主題係嘉年華feel，但已經唔work，我用咗一星期諗點改動，決定用我呢次經歴呈現。」

Kenny開騷獲好友張敬軒做嘉賓，他還想邀請對方做調音師，「想叫佢攞啲好靚嘅咪，佢啲器材太靚，有時佢無啦啦會拎出嚟話Beyonce用呢支（咪）。佢喺一班朋友中，係最令人安心嗰個，大家會覺得如果有佢喺度會特別安心，所以呢兩場（演唱會）要佢嚟，等我淡定啲」。至於可希望再以BOYZ名義踏上紅館，Kenny說：「永遠好難說不，我只可以話呢一刻，暫時我唔知道，呢件事要一齊去發生，我心底裡亦希望有咁嘅一日。」

（即時娛樂）