近日前Ekids成員阮民安(Tommy)高調撐示威活動,引來不少粉絲狂讚,更有人讚他有型過余民樂,他還反問:「真心?」之後昨晚(21日)更受同路人杜汶澤邀請上網台節目《喱騷》合唱〈開始戀愛〉。其實早前阮民安還在facebook自爆有一個堂哥是警察,更出對方whatsapp截圖鬧爆自己說警察是「克警」。
阮民安表示當警察的堂哥在他發表鬧警察宣言後,傳訊息爆粗鬧他,而他因為:「之後我一路都好忙,都未得閒應酬佢,話囇一場親戚,諗住得閒先send啲文宣嘢感化下佢,救得一個得一個!」但現在決定公開對他堂哥說:「我地以後唔好XX再見!講完!!!」
原文:
「[大義滅親,恥與為伍]
今日想同大家分享一個小故事,其實我有一個堂哥係做差佬嘅(我從來都唔會介意有人知道我堂阿哥係差佬,你係咪諗X多咗)!喺721元朗無差别斬/打人之後,我同全香港人都一樣好嬲好心痛,我就出咗篇克警文(嗰時我都仲係用個克字,你睇我仲幾克制)
跟住過咗幾晩就收到呢個堂哥差佬夜X媽媽send呢堆message俾我,我心諗做乜X?
之後我一路都好忙,都未得閒應酬佢,話囇一場親戚,諗住得閒先send啲文宣嘢感化下佢,救得一個得一個!
點知之後嘅日子,佢哋一次又一次激起民憤,與香港人為敵,今日仲要整多單私刑!天怒人怨!!!
我成日講娛樂圈有X街,差人都一定有好人,唔想俾人鬧,咪做返啲差人應該做嘅嘢囉,不過呢啲只係我7月25嗰陣嘅諗法,今日,已經返唔到轉頭!依家係好多香港人都一齊聲討緊你哋!
呢個世界,你開得全名,X得人,仲話想公開X(唔公開X係俾咗面我啦喎),就預咗俾人XX返。
你咁想我答你,我不如就公開答你啦,我地以後唔好X再見!講完!!!
如果大家睇完佢啲訊息有另一啲想法,或者可以喺留言道答下佢都得!」
阮民安和杜汶澤都有支持Eye4HK活動,用手遮著右眼自拍。
Niji 擺堂哥上枱🤣得喇得喇世人都會忘記阮生會考一分都無、醉駕、欠賭債,嚟緊實大把job 做啦唔驚無野撈,吹下水都幾萬人支持!杜生實睇好佢一齊做從政..評論員!!🤣🤣
2019年08月22日01:21
Rocky 做show,大義滅親,唔覺,叫得堂哥都唔係點親,反而我覺得呢個叫滅絕人性!成日話班人被人洗腦,都唔知自己無腦,只不過飲醉酒果d都唔會話自己飲醉啦,講完!
2019年08月22日00:53
李魯武 阮本身茄哩啡一個借堂哥博出位呀?劉德華夠話系護旗手啦有無人罷睇佢?
2019年08月22日01:07
而家d邊緣骸星自知無乜希望,仲唔圈反d粉咩,咁容易做既野,只要肯支持示威者,果班人即刻當你偶像
2019年08月22日01:15
aRTim 阮民安呢個樂壇曱甴又可以靠呢單野翻身啦
真係生命力好頑強 不得不佩服好多人靠呢樣去做免費宣傳 宣傳費又唔洗比 就大把人支持
2019年08月22日01:23
顯示全部