憑電影《明月幾時有》奪得「最佳女配角」的葉德嫻表示，睡醒後要去學氣功，因為氣功老師於4月尾會返回美國。她說早前到加拿大黃刀鎮睇北極光，不過冬天去就最好，日短夜長天黑便睇到。
談到可有接拍新片？葉德嫻說：「無人請呀！（得獎後獲邀？）未必㗎！不過都要啱自己，個劇本有說服力，尤其嚴肅的戲，鬼戲梗係任噏都得，呢啲我唔想拍，喜劇ok，但唔係鬧劇囉！」她直言好想拍攝有關於女性在東南亞、印度及非洲等地社會問題，指曾經睇過紀錄片，自己亦有留言。
廣告（請繼續閱讀本文）
葉德嫻說：「我留言話Bill Gates（比爾蓋茨）一定要嚟救呢班人，我相信只有他咁聰明同財力先可以救到這些小朋友，無論男或女他們都受到欺負，希望有人拍這類戲。（不怕辛苦拍攝？）如果拍寫實係應該。（提議劉德華開拍？）無諗住同他傾呢啲，通常他搵我，唔一定要我做，希望有人拍呢類戲。」