張繼聰每次到內地工作也會被海關「扣查」，因此感到煩惱，他在社交平台上載自拍影片，與大家分享經驗，「我張回鄉證四年前影，嗰陣冇留鬚，拍緊《老表，你好hea》，同依家個樣有少少唔同。問題喺到喇，每次上大陸做嘢，我過關嘅時候都會被扣查，係，真係被扣查，所以成日都聽到後面有啲朋友講話：『喂！嗰個張繼聰被人拉咗喎！』通常都係要出示埋身份證，仲大件事，因為我張身份證係十幾年前影嘅。」
廣告（請繼續閱讀本文）
阿聰苦笑指海關人員的做法非常正確，因為連他的同事甚至自己都很難相信證件相中的他是同一人。他又澄清不是被捕，也不是走私，只是無法證明自己的身份，希望大家不要再誤會他被扣查是因為做了犯法事。
阿聰分享證件相，有網民覺得「其實都無唔同樣，都似你吖」，亦有人話「3個樣咁，唔怪得俾人查」，各有各觀感。一直都有嘗試解決問題的阿聰又稱：「結果只係得一個，例如我試過笑住啦，不過我都覺得自己好可疑，我又試過認真啲啦，咁就直接入房喇。我又試過精神啲啦，因為每次都好攰，但係無論我用咩方法都係唔成功嘅。」雖然阿聰話證件未過期，但網民都建議他換過張新回鄉證及身份證。