重提被汪明荃刺傷！黃淑儀：佢冇問候過我

藝人黃淑儀接受電台主持人訪問，提到有指當年她在拍劇集《書劍恩仇錄》時被汪明荃刺傷而致不和，亦揭汪明荃「一句都冇問候過」，她說：「係，當時刀劍全部真係金屬，但好易斷，我哋都唔知，只係想攞起佢有嗰種重量同質感，有場我撩佢（汪明荃），佢一擋就刺傷眉心。」當時由李家鼎抱黃淑儀上車送入院，之後縫了4針，她稱與汪明荃沒有恩怨：「絕對冇。大家都知係意外，不過阿姐當年一路半個電話都冇打嚟問『你點呀，唔好意思冇』。反而，近年見佢就成日攞番件事出嚟講，話『當年我把劍擦親佢，真係幾唔好意思呀！』咩咩咩，我話都過咗咁多年仲講嚟做咩啫，真係冇話唔開心，真係意外嘛。」

不理父母反對結婚

提到她19歲未紅時不理父母反對下嫁資深導演兼TVB藝員訓練班導師、比她大21年的劉芳剛：「佢係傳統大男人，我唔介意做小女人，佢放工我會攞拖鞋，斟定茶，朋友嚟屋企打牌，我就煮飯，等啲細路哥瞓晒，我問『可唔可以畀我打兩鋪呀？』佢就話『都打完，打甚麼打！』哈哈，好似老爺。」但隨着年紀愈來愈大，她希望在外面世界學習新事物，做自己想做的事，所以於77、78年，遠走加拿大與弟弟同住：「都叫做分居啦，因為佢唔肯簽字離婚，但都要接受啦。」

為陪老公讀書Cut戲份

到第二段婚姻再嫁比自己細兩年的徐生，當年黃淑儀為陪老公讀書，要求監製王天林減少自己在《蕭十一郎》的戲份，她說：「當年佢要去英國考個專業試，想我陪佢去，但係我拍緊謝賢同李司棋一生雙旦嘅劇，我問天林叔可唔可以放我一星期假，佢話唔得，咁我就使橫手，打畀編劇叫佢寫少啲我出場，咁我可以去陪佢讀書。」再婚後淡出娛樂圈，她說因老公不肯她再拍戲，且小朋友年紀還少，至小朋友12歲才復出。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/