世界各地經常都冒出好多所謂Supreme Fans，有人以快入手取勝，有人以數量稱霸，甚至更多是用各種方式糟蹋Supreme單品來呃Like。但Eric Whiteback絕對是有腦又有Heart嗰種，經常DIY令自己擁有的Supreme單品變得更特別，甚至於個人網站將DIY單品出售。（互聯網）早前發售的Supreme x Ziploc密實保鮮袋，絕對是玩味得來又夠實用的聯名單品。（互聯網）經過Eric Whiteback DIY改裝後，密實袋變成斜孭袋。（互聯網）於鞋踭位置噴上陰影位稍作修飾，變成一件Box Logo Tee，諗頭同手勢都冇得頂。（互聯網）去年Eric Whiteback試過開Post表示只要該照片到達某個Like數，就會將照片中的Supreme陶瓷品扔爛，最後當然有「找數」。（互聯網）但如果你以為事情就此完結就太睇小Eric Whiteback，因為之後他將該件陶瓷品的碎片變成多件精緻匙扣。（互聯網）去年春夏，Supreme與Hot Wheels推出聯名M3玩具車，Eric Whiteback就動手將佢實體化。（互聯網）Eric Whiteback經常會將各款Supreme Box Logo Tee以紮染方式進行DIY，完成度相當高。（互聯網）他亦試過將每季都會出的定番底衫Supreme x Hanes Tagless Tee（1 Pack 3件），DIY變成限量48件的紮染Tee出售（每件48美元），識得買識得玩仲識得搵錢。（互聯網）仲專登着到同Travis Scott一樣的Supreme造型，走去搵專賣Supreme炒貨的UNIQUEHYPE「OG媽」影合照，但據聞Eric Whiteback大部分Supreme收藏品都是原價入手居多。（互聯網）每一季，Supreme都例必推出一啲你估佢唔到莫名奇妙嘅聯名單品，今季最讓人意想不到的當然就係OREO夾心曲奇餅同Ziploc密實保鮮袋，本身兩者都係平常不過的東西，但加咗個Supreme字樣之後當然大家就瘋狂搶購兼炒賣圖利啦！
日前，擁有數百件Supreme單品的收藏家Eric Whiteback於社交平台就發放了一段DIY短片，將呢個本身都已經好實用的Supreme x Ziploc密實保鮮袋，Upcycling改裝成為一個孭得上手的Shoulder Bag，見佢三兩下手腳就完成縫紉工序，而最方便的地方係唔使專登為個袋搵拉鏈或者啪鈕，直接用返密實袋「Zip Zip」開口設計就得（仲有防水效果），睇完係咪好想嗌阿媽幫手車返個？
改裝片段：https://www.instagram.com/p/CCYv_2iJkkl/?utm_source=ig_web_copy_link
東網網站 : https://on.cc/
東網Facebook專頁 : https://www.facebook.com/onccnews/