蕭正楠太太黃翠如今日38歲生日，一向人緣甚好的翠如昨晚有一眾圈中好友為她慶祝，大家仲齊齊吹蠟燭許願，當中已經分手的唐詩詠及洪永城亦有到場！
唐詩詠、洪永城、馬國明、曹永廉、陸永及C君等昨晚去了林盛斌家中，為黃翠如慶祝生日。除了有蕭正楠同翠如攬實合照外，大家更齊齊吹蠟燭合眼許願。
不過整場生日會的焦點並非翠如同蕭正楠，而是唐詩詠及洪永城這對昔日戀人，二人罕有同場，未有尷尬，更大方影全體相。不過兩人合照時保持一定的距離，相反唐詩詠的緋聞男友馬國明，就同洪永城老友鬼鬼搭實膊頭合照，看似感情不錯。
唐詩詠與洪永城在2014年公開戀情，惟兩年半二人突然宣布分手，但未有公開原因。洪永城其後與健身教練梁諾妍拍拖，至於唐詩詠則先後與馬國明、陳思銘傳緋聞。