香港羽毛球代表伍家朗(Angus)昨日比賽時穿上印有「Hong Kong, China」黑色運動上衣和黑色短褲上場,被香港某政黨成員在網上以文字譴責,直指他如果不想代表中國香港,便應選擇退賽。其後大量網民亦跟着和應,指他不遵重中國香港運動員身份,但其實大家留言之前有冇諗過係怪錯好人呢?
羽毛球代表伍家朗
廣告(請繼續閱讀本文)
伍家朗在事件後出文解釋,因為他與之前贊助商合約經已完結,昨晚的全黑運動服裝是自己的戰衣。至於,未能印上區旗的原因是他沒有得到授權印特區區旗在衣服上,因未經行政長官批准,私自在服裝上印上區旗會犯法。另外他希望參與下場比賽可以修正這問題。
羽毛球代表伍家朗
廣告(請繼續閱讀本文)
伍家朗回應全文如下:
「又要再回應各位朋友/球迷/網友既疑團,我知道好多人都對我既球衣好關心,因為並唔係我之前着開既球衣牌子,喺上一個post我已經交代左我現時冇球衣贊助,所以着嘅衫係自己,而需要印名嘅比賽球衣都係自己要攞出去街印,但我並冇獲得授權去印上區旗,所以我不能私自把區旗印在衣服上。然而,我一直為自己代表中國香港比賽而感到很自豪,我心底入面都好喜歡哩一朵洋紫荊花。關於區旗既事,我已經喺東京積極處理緊,希望喺下一場比賽之前可以修正番。最後,希望大家睇奧運都係專注睇番運動員喺場上面既表現,而唔係集中喺我件衫上面啦。不過都多謝大家既支持同關心。講完,冇咩事都唔再回應喇,專心比賽。
Btw鬧還鬧,唔該搞清楚件事先鬧啦。」
廣告(請繼續閱讀本文)
香港羽毛球隊總教練何一鳴回應本地傳媒時表示,一般運動員作賽時也會穿上贊助商提供的服裝,而伍家朗亦解釋得很清楚,印名字和地區名在戰衣上沒有問題,如若Angus真的有犯規,大會也不會批准他上場比賽。
圖片來源:伍家朗@Instagram
婷婷兔-兔寶 呢個係政府問題,人地代表香港出賽,竟然冇球衣比人地,要用私伙野, 應該係政府向運動員道歉,而唔係運動員向香港道歉同解畫!!
2021年07月25日09:38
Joey Lai 民建聯垃圾黨欠香港傑出運動員一個道歉!
2021年07月25日10:01
Andrew 只怪香港有太多無知嘅人。
2021年07月25日09:11
Zarathustra 每到奧運人人都支持自己國家為運動員打氣,只有香港藍絲大搞批鬥,一件球衣就上綱上線。
心痛香港運動員,一邊應付比賽壓力,一邊更要頂住藍絲輿論,完全抹煞、無視運動員付出嘅血汗。
2021年07月25日10:00
CalvinS D終國人真係好鍾意咩都政治
2021年07月25日09:46
顯示全部