做嘢咁辛苦，偶然都要對自己好啲，食下Omakase獎下自己！講到最近抵食又高質嘅Omakase，一定係尖沙咀嘅「豐 Sushi Yutaka」晚市套餐！店家推第2位半價優惠，換言之，最平HK$744就食到！平時食晚市Omakase，都差唔多2k，呢個價錢真係抵到爛，當然要去試下啦！😍
造訪當日，店家提供咗2款Omakase套餐，分別有「錦‧上 Omakase」及「豐‧特上 Omakase」，連第2位半價，差額都係100蚊左右，但多好多款魚鮮！唔洗諗，實揀「豐‧特上 Omakase」！
整個套餐包咗前菜、薄切刺身、時令特上刺身、特上壽司、煮物和燒物、湯品及是日甜品。選用咗北海道活毛蟹、岩手生蠔、象拔蚌、真鯛、活帶子、熟成拖羅、北海道根室海膽、赤身醬油漬、活車海老、螢光魷魚、喜知次等，真係超豐富！由於試咗勁多嘢，所以精選幾樣分享，其餘詳情可睇 @flowspace.hk 。
✦ 海膽生蠔
前菜已經超爆，係肥美嘅岩手生蠔配根室海膽！海膽真係超新鮮，唔係出面街食到啲加咗超多防腐嘅鮮色海膽，入口鮮甜洋溢整個口腔，連花穗一齊食，帶有紫鮮葉香，好正！至於岩手生蠔更不用講，極肥美鮮甜，口感偏creamy，不錯。
✦ 薄切刺身
𩶘魚、帆立貝及金目鯛刺身，配上海膽乾及岩鹽，鮮甜香口。
✦ 時令特上刺身
另外，我最印象難忘係蘋果木煙燻拖羅，拖羅入口即化，油脂香濃，食時夾雜住淡淡木香，味覺與嗅覺雙重享受！
碟上仲有兵庫縣嘅時令螢光魷魚，魷魚皮薄脆，我真係未食過魷魚係「脆」架！😍咬開嗰下，肥美嘅魚膏爆出來，勁香！成件事真係好幸福！
✦ 特上壽司、燒物
壽司豐最出名就係製作「江戶前熟成拖羅」，喺一種源自江戶時代前嘅保鮮技術，當年無冷凍櫃，魚肉容易變壞，所以人們就諗到用煮酒、昆布、木魚花和醬油去浸醃拖羅，熟成7日，既可保鮮，魚肉嘅鹹鮮滋味更突出，層次味道亦較新鮮刺身來得豐富！估唔到壽司豐可以試到由熟成拖羅做嘅拖羅壽司，店家仲放京蔥去提香，整個味道好驚喜，好正。
醋鯖魚壽司都無得頂！師傅會先火灸醋鯖魚，再放上白昆布及紫菜，口感勁豐富。
至於活赤貝壽司都好正，赤貝好新鮮，放上飯時仲會微微抖動，入口爽脆鮮嫩，好正！
P.S. 食完後同師傅Michael Chan傾計，原來師傳大有來頭，為前日本首相橋本龍太郎之御廚松戶利雄入室弟子！盡得師傅真傳！唔怪得水準咁高！壽司豐好少做優惠，真的想試「首相級」Omakase就要襯早囉！
錦‧上 Omakase
價錢：$1488／位；第2位半價$744
是日前菜、薄切刺身、時令精選刺身、旬之壽司、煮物和燒物、湯品及是日甜品
精選食材包括：帶子、赤身、北海道根室海膽、拖羅、深海池魚、銀雪魚等等*
*以上食材視乎實際供應情況或季節性
豐‧特上 Omakase
價錢：$1688／位；第2位半價$844
是日前菜、薄切刺身、時令特上刺身、特上壽司、煮物和燒物、湯品及是日甜品
精選食材包括：北海道活毛蟹、令和生蠔、象拔蚌、真鯛、活帶子、熟成拖羅、北海道根室海膽、赤身醬油漬、活車海老、螢光魷魚、喜知次等*
*以上食材視乎實際供應情況或季節性
優惠日期：即日至4月15日
網上預訂即上：http://bit.ly/2YWMVwb
★－:+:－:+:－:+:－:+:－★
🎡味道：5
🎠環境：4
🎪服務：4.5
🕌CP值：4
（*5為最高分）
★－:+:－:+:－:+:－:+:－★
◌ 豐 Sushi Yutaka
◌ 尖沙咀漆咸圍2-4號金時商業大廈地下8-14號舖
★－:+:－:+:－:+:－:+:－★