又到聖誕，又到聖誕！又有Sanrio朋友仔嚟等大家開party！仲佈置好屋企歡迎大家添！佢係邊個？就係好可愛嘅有布甸狗喇！
想過一個窩心甜蜜嘅聖誕？就要嚟呢度搵布甸狗喇！
佢將部屋精心打造得有濃厚嘅聖誕氣氛，仲以多個趣緻俏皮嘅造型亮相，等大家嚟同佢打卡！
最唔可以錯過嘅係呢隻「16呎高巨型充氣布甸狗」！
可愛嘅佢，襯埋軟淋淋嘅身軀，令人忍唔住攬下佢！
同場加映「布甸狗星光隧道」，有好多布甸狗掛飾，喺度打卡好浪漫嫁！
位置：L5太空樂園
落到嚟部屋，真係周圍都佈滿布甸狗嘅蹤影，仲有好多聖誕裝飾，好啱開聖誕派對！
一入門口就見到布甸狗喺度揮手迎接大家，連門口都係布甸狗嘅頭像嚟嫁！
入到去有個「放空專屬天地」，布甸狗同好朋友倉鼠Muffin喺度小睡片刻，各位唔好錯過連瞓覺都萌萌嘅佢地呀！
隔離係「七彩繽紛禮物山」，布甸狗特登將啲聖誕禮物堆砌成色彩繽紛嘅層層疊，俾大家喺入面打卡！
開聖誕派對，點少得扮靚同聖誕大餐！
布甸狗部屋仲有「極速裝扮室」同「饞嘴是這樣煉成」密室，俾大家睇下佢係點樣打扮到咁cute，同點整佢嘅招牌布丁蛋糕！
聖誕節當然要放棵聖誕樹先夠氣氛啦！
而布甸狗部屋嘅聖誕樹，梗係要掛滿布甸狗先夠特別啦！
呢棵11呎高嘅「軟綿綿聖誕樹」由好多隻布甸狗公仔砌成，真係好吸睛呀！
玩左成日都攰喇～換件睡衣同布甸狗一齊瞓覺啦～
溫暖和諧色調嘅「小確幸補眠睡房」就啱哂喇～布甸狗，晚安～
位置：B1樓層
嚟呢度購物消費同埋like佢地嘅社交平台就有禮物換嫁喇！
有暖笠笠嘅布甸狗抱手枕、好實用嘅布甸狗多用途收納袋同埋可愛聖誕造型嘅布甸狗文件夾，粉絲唔好錯過喇！
《荃灣廣場 Pompompurin部屋聖誕派對》
日期：2018年11月9日至2019年1月1日
時間：上午10時半 至 晚上10時
地點：荃灣廣場L1中庭、L5太空樂園及B1樓層
《聖誕限定禮遇》
換領日期：2018年11月13日至2019年1月1日
換領時間：上午10時半 至 晚上9時半
換領地點：L3顧客服務中心
換領活動：
1. TWP VIP Club會員憑即日電子貨幣消費滿HK$3,000及300積分，可換領「布甸狗暖笠笠抱手枕」一個
2. TWP VIP Club會員憑即日電子貨幣消費滿HK$1,500及300積分，可換領「布甸狗多用途收納袋」一個
3. 顧客即場下載新地商場手機應用程式 及 讚好荃灣廣場Facebook專頁/追蹤荃灣廣場 Instagram，即可換領「布甸狗文件夾」一個
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）